Einkasýning: Óskar Þór Ámundason

Einkasýning Óskars Þórs Ámundasonar opnar fimmtudaginn 15. nóvember kl. 17:00 – 19:00 í Kubbnum, Laugarnesvegi 91. Sýningin er í röð einkasýninga nemenda á 3. ári í myndlist.

Getur einhver leyst þrefalda Windsor hnútinn minn?

Þetta er ekki leti frekar en einhver vankunnátta hjá mér, en í þessu tilfelli spilar þetta tvennt saman. Hef verið með þennan þrefalda Windsor hnút frá því að ég man eftir mér. Spurðist um ráð fyrr í vikunni varðandi þetta en þau segja að ég eigi að fara sömu leið út og ég fór inn, en ég man ekkert eftir því hvenær eða hvernig þetta gerðist. Hef mestar áhyggjur af því hvað hinum finnst um samsetninguna á skyrtunni, buxunum og bindinu en það verður vonandi í lagi.

Á tímabilinu 4. október - 29. nóvember stendur yfir röð einkasýninga nemenda á 3. ári í myndlist, alls 24 sýningar.

Á hverjum fimmtudegi frá 4. október - 29. nóvember opna í senn þrjár einkasýningar á mismunandi sýningarstöðum í Listaháskólanum í Laugarnesi; í Naflanum sem er inni í miðju skólans á 1. hæð, í Kubbnum á annari hæð og síðast en ekki síst í Huldulandi norðanmegin í húsinu á 1. hæð. Opnanir eru frá kl. 17 - 19 á fimmtudögum. Einkasýningar nemenda er liður í námskeiðinu Vinnustofur prófessora í umsjón Heklu Daggar Jónsdóttur. Kennarar ásamt Heklu eru Unnar Örn og Sindri Leifsson.

Facebook viðburður / Allar einkasýningar 3. árs nema í myndlist