Grafísk hönnun

Nám í grafískri hönnun býr nemendur undir að takast á við fjölbreytt verkefni á sviði grafískrar hönnunar. Nemendur vinna meðal annars með myndlýsingar og letur, upplýsingahönnun, mörkun og grafískar útfærslur fyrir ólíka miðla. Áhersla er lögð á að nemendur tileinki sér skapandi og gagnrýna hugsun og skilning á viðfangsefnum sínum frekar en að festa sig í tæknilegum takmörkunum eða hefðum. Þær breytingar og þróun sem eiga sér stað í samfélaginu og umverfi hönnuða eru settar í samhengi við ýmsa þætti námsins og áhersla lögð á að nemendur verði meðvitaðir um ábyrgð grafískra hönnuða og möguleika þeirra í síbreytilegu samfélagi.
 
Að loknu námi til BA-gráðu eiga nemendur að vera færir um að vinna á sjálfstæðan og skapandi hátt að ólíkum verkefnum á sviði grafískrar hönnunar.

 

Nafn brautar: Grafísk hönnun
Nafn gráðu: BA
Einingar: 180 ECTS
Lengd náms: 6 annir – 3 ár

Fagstjóri

Hrefna Sigurðardóttir er lektor og fagstjóri námsbrautar í grafískri hönnun. 
Hún er menntaður grafískur hönnuður með BA frá Listaháskóla Íslands og með MFA frá Yale School of Art.