Bókasafn og upplýsingaþjónusta

Bókasafn LHÍ er einkum ætlað nemendum, kennurum og öðru starfsfólki skólans, en er jafnframt opið öðrum sem sérfræðisafn á sviði lista.

Nemendur og kennarar í LHÍ eru lánþegar án endurgjalds – free for students and staff
Almennir lánþegar greiða kr. 2000 fyrir árgjald – for other users 2000 ISK

Millisafnalán:
Starfsfólk og kennarar Listaháskóla Íslands greiða ekki fyrir millisafnalán, en nemendur greiða hálft gjald fyrir ljósrit og bókarlán.
Beiðni um millisafnalán er bindandi og rukkað verður fyrir ósóttar beiðnir.
Aðrir greiða samkvæmt neðangreindum taxta:
Ljósrit af grein  – 1.000 kr.
Bækur frá innlendum söfnum – 1.000 kr.

Glatað efni:
Glati lánþegi eða týni bók skal hann borga andvirði hennar til safnsins. Undantekningar má þó gera frá þessu og skal það metið í hvert sinn.
Sama á við um önnur safngögn svo sem geisladiska, DVD og nótnahefti, ef slík gögn glatast skal lánþegi greiða andvirðið.

Panta viðtal

Eitt af markmiðum bókasafns og upplýsingaþjónustu LHÍ er að stuðla að upplýsingalæsi innan LHÍ með fræðslu og ráðgjöf til nemenda, kennara og starfsfólks skólans.

Á hverju skólaári er bókasafns og upplýsingaþjónusta LHÍ með kynningar og fræðslu fyrir nýnema, en einnig er boðið upp á fræðslu fyrir nemendur sem eru lengra komnir í námi sínu, meistaranema, kennara og aðra starfsmenn skólans.

Tilgangur fræðslunnar er að kynna bókasafnið fyrir nemendum og þær upplýsingalindir, stafrænar og prentaðar, sem það veitir aðgang að og kenna þeim að nýta sér þær meðan á háskólanámi þeirra stendur. Einnig er lögð áhersla á mat á gæðum upplýsinga og að nemendur geti valið úr og notað þær á markvissan hátt.

Hægt er að panta fræðslu með því að senda póst á rosa@lhi.is eða bokasafn@lhi.is

Á bókasafni LHÍ er ritver þar sem nemendum LHÍ er veitt er ráðgjöf í einstaklingsviðtölum varðandi:

• Heimildaskráningu
• Heimildaleit
• Upplýsingaöflun
• Zotero (forrit sem heldur utan um heimildir)
• Sniðmát og tæknileg atriði
• Turnitin
• Skil í Skemmu

Um opinn aðgang á Íslandi

Styrktarsjóður Halldórs Hansen var stofnaður 11. desember 2002. Halldór Hansen barnalæknir lét eftir sig mikið tónlistarsafn með um 10.000 hljómplötum, sem hann ánafnaði Listaháskóla Íslands í erfðaskrá ásamt öðrum eigum sínum sem skyldu renna í sérstakan sjóð í hans nafni.

Meginmarkmið sjóðsins eru að:

• Varðveita tónlistarsafn Halldórs Hansen og miðla efni úr því.
• Styrkja uppbyggingu og styðja við tónlistarsafn Listaháskóla Íslands.​
• Veita árlega styrk í nafni Halldórs Hansen til tónlistarnema Listaháskóla Íslands
 sem náð hefur framúrskarandi árangri að mati sjóðsstjórnar.

• Eric gagnasafnið
• Fjaraðgangur
• Google Schoolar – leit að fræðilegu efni
• Heimildavinna og fræðileg skrif
• IPA source gagnasafnið
• JSTOR gagnasafnið
• Leit að efni á bókasafni LHÍ
• Leit að rafrænu efni á Leitir.is
• Performing Arts Periodicals gagnasafnið
• ProQuest gagnasöfnin
• Rafræn gagnasöfn
• Skil í Skemmuna
• Tímaritaskrá bókasafns LHÍ
• Zotero – Að sækja forritið
• Zotero – Að sækja réttan heimildarskráningarstaðal
• Zotero – Að vista gögn af netinu
• Zotero – Að gera tilvísanir og heimildaskrá í Word

Um fjaraðganginn:
Kennarar og nemendur LHÍ geta fengið fjaraðgang að staðarneti skólans í gegnum sk. sýndarnet (e.proxy) sem hver og einn þarf þá að setja upp aðgangstillingar að, í Firefox vafra, í sinni tölvu.
Með þessu geta notendur skoðað greinar í séráskriftum bókasafnsins sem annars eru einungis aðgengileg á tölvum á staðarneti skólans.

Leiðbeiningar fyrir uppsetningu fjaraðgangs:
Við mælum með að nota Firefox vafrann eingöngu fyrir fjaraðgang að gagnasöfnum sem LHÍ hefur aðgang að. Hægt er að stilla Firefox vafrann til að nota fjaraðganginn og það hefur þá ekki áhrif á aðra netumferð.  Proxy þjónn LHÍ veitir eingöngu aðgang að þeim síðum sem fjaraðgangurinn krefst en lokar á aðra umferð. Það þýðir að ef stillingarnar eru settar á nettengingar í heild þarf að taka stillingarnar af til að komast um á netinu. Firefox er einn af fáum vöfrum sem gefa kost á að stilla fjaraðgang eingöngu fyrir þann vafra.

1. Opnið Firefox vafrann (setjið hann upp ef hann er ekki til staðar á tölvunni).
2. Í Firefox vafranum: Veljið Settings / Manage more settings / General / Network Settings.
3. Neðst i glugganum sem opnast eru stillingar fyrir net milliþjón.
4. Skráið inn stillingarnar eins og sýnt er hér fyrir neðan.

Næst þegar þið opnið síðu í Firefox spyr vafrinn um notandanafn (ekki setja @lhi.is) og lykilorð. Munið að haka við að vista lykilorðið.
Ef frekari aðstoðar er þörf má senda póst til verk@hjalp.lhi.is

Ath. þegar þið skráið ykkur inn ekki nota fullt netfang aðeins fyrri hluta (dæmi: jon22)

• Ritgerðasmíð – Ritver HÍ
• Ritgerðasmíð, kennslubók eftir Eirík Rögnvaldsson
• Heimildir – Ritver HÍ
• Leitir í gagnagrunnum – Landsbókasafn / Háskólabókasafn
• Gervigreind – upplýsingasíða HÍ
• Gervigreind – leiðbeiningar fyrir nemendur LHÍ
• Gervigreind – leiðbeiningar fyrir kennara LHÍ
• AI use at IUA – instructions for students
• AI use at IUA – instructions for teachers

• Chicago heimildaskráning – dæmasafn
• Chicago heimildaskráning – leiðbeiningar frá Purdue University
• Chicago heimildaskráning – Ritver HÍ
• APA heimildaskráning – Ritver HÍ

Námi í öllum deildum skólans lýkur með lokaverkefni.

Sniðmát fyrir lokaverkefni.

Bókasafnið varðveitir ekki prentuð eintök lokaverkefna en nemendur skila inn rafrænu eintaki af lokaverkefni á skemman.is sem er stafrænt varðveislusafn háskólanna. Lokaverkefnin má nálgast á skemman.is og þau má líka finna á leitir.is

Við skil lokaritgerða þarf að velja þá deild sem útskrifast er frá sem og námsstig: BA eða MA.
Nemendur skrá sig inn á skemman.is með LHÍ aðganginum sínum.
Mikilvægt er að klára að fara í gegnum allt ferlið. Því lýkur með því að samþykkja skilmála og senda verkið inn.
Ritgerðir eru birtar á Skemmunni að lokinni útskrift en nokkrir dagar geta liðið frá útskrift og þar til ritgerðin er birt á Skemmunni.
Mælst er til þess að nemendur hafi lokaritgerðir sínar opnar, ekki síst þar sem þeim gagnast að geta vísað á ritgerðir sínar að útskrift lokinni.
Höfundur þarf að skila formlegri beiðni um að láta opna áður læstri ritgerð.

• Leiðbeiningar um skil í Skemmuna

Zotero er forrit sem heldur m.a utan um heimildir og sækja má gjaldfrjálst á https://www.zotero.org/

• Zotero – Að sækja forritið
• Zotero – Að sækja réttan heimildarskráningarstaðal
• Zotero – Að vista gögn af netinu
• Zotero – Að gera tilvísanir og heimildaskrá í Word