Listaháskóli Íslands - Logo small Listaháskóli Íslands - Logo small mobile

Automatic translation by Google Translate.We cannot guarantee that it is accurate.

Skoða vefinn á Íslensku

Algengar spurningar

Decor overlay

Algengar spurningar varðandi umsókn og inntöku í LHÍ 

  • Hvað er staðfest afrit af prófskírteini?  

    Staðfest afrit af prófskírteini/námsferli, er skjal frá þeim skóla sem umsækjandi útskrifaðist úr. Skjalið þarf að vera skannað frumrit eða staðfest afrit með stimpli og undirskrift frá viðkomandi skólaskrifstofu, þar sem kemur fram listi yfir námskeið, einingar og einkunnir. 

  • Ég uppfylli ekki inntökuskilyrði, get ég samt sótt um? 

    Heimilt er að veita inngöngu í skólann þeim umsækjendum sem búa yfir þekkingu og reynslu
    sem telst fullnægjandi undirbúningur til bakkalárnáms við skólann.
    Umsækjendur sem ekki uppfylla almenn inntökuskilyrði geta sótt um undanþágu hafi þeir
    lokið t.d. fjölmörgum einingum á framhaldsskólastigi, lokið öðrum lokaprófum svo sem á 4.
    hæfniþrepi eða hafa annan undirbúning sem getur undirbúið viðkomandi undir nám á
    háskólastigi á viðkomandi námsleið. Umsóknir um undanþágu frá almennum
    inntökuskilyrðum eru metnar af fagaðilum innan viðkomandi deildar. Niðurstaða mats á
    undanþáguumsóknum er endanleg. Við mat á umsóknum er horft til samverkandi þátta með
    tilliti til einkunna í námi á framhaldsskólastigi, menntunar í listgreinum, frekari menntunar,
    starfsreynslu og þátttöku í félagsstörfum. Hvert tilfelli er skoðað sérstaklega og getur samspil
    þessara þátta haft áhrif á niðurstöðu. Umsækjendur eru hvattir til að gera grein fyrir öllu því
    sem þeir telja geta orðið umsókn sinni um undanþágu frá almennum inntökuskilyrðum til
    framdráttar.
    Inntökunefndir meta umsóknir á grundvelli innsendra gagna auk viðtala og/eða inntökuprófa á
    þeim sviðum sem við á. Deildarforseti skipar inntökunefnd fyrir hverja námsleið í samráði við
    fagstjóra og vinna inntökunefndir eftir verklagsreglum sem kynntar eru umsækjendum.

  • Ég útskrifast eftir að umsóknarfrestur er liðinn og er ekki komin með prófskírteini. Hvað geri ég? 

    Hægt er að skila inn námsferilsblaði frá skrifstofu þess skóla sem umsækjandi stundar nám við, sem sýnir námsframvinduna og staðfestingu á fyrirhugaðri útskrift. Gögnunum er hlaðið upp í umsóknarformið. Prófskírteini þarf síðan að skila inn til skólans í júní fái umsækjandi inngöngu. 

  • Hvað kostar nám við Listaháskólann og hvar er það greitt? 

    Sjá upplýsingar um skrásetningargjald.

    Umsækjendum sem er boðin skólavist við skólann, greiða skrásetningargjald í umsóknargátt, undir flipanum – Yfirlit umsókna.  

  • Hvar nálgast ég auðkenni að námskerfum?  

    Auðkenni að námskerfum skólans (Uglu, Canvas og fl.) er sótt í umsóknargátt þegar skrásetningargjald hefur verið greitt. Umsækjandi sem hefur verið samþykktur inn í skólann og greiðir skrásetningargjald innritast sjálfkrafa eftir greiðslu skrásetningargjaldsins í umsóknargátt. Þegar greiðslan hefur verið framkvæmd, birtist flipi í umsóknargátt þar sem viðkomandi þarf að sækja auðkenni sitt (notendanafn og lykilorð).  

  • Á hvaða tímum fer kennsla fram? 

    Nám í Listaháskólanum er staðarnám og er kennt á dagvinnutíma með undantekningum hjá einstaka brautum. Mætingaskylda er í Listaháskólanum.  

  • Hvernig skiptast annirnar á skólaárinu? 

    Skóladagatal Listaháskólans er hér.