Aðgengi

Hér að neðan eru upplýsingar fyrir gesti um aðgengi að og innan skólans.

Strætó

Stakkahlíð

Strætó nr. 11 stoppar á stöðvunum “Háteigskirkja” og “Háteigsskóli“. Frá báðum stöðvum eru um 250m að húsnæði Listaháskólans við Stakkahlíð.

Stöðin “Hlíðar” á Miklubraut er í um 400m fjarlægð og þar stoppa vagnar nr. 1, 3, 6, 13, 55 og 57.

Laugarnes

Strætó nr. 12 stoppar á stöðvunum “Laugalækur” og “LHÍ Laugarnesi”. Frá báðum stöðvum eru um 150m að húsnæði skólans í Laugarnesi.

Strætó nr. 16 stoppar á stöðinni “Kirkjusandur” sem er í um 500m fjarlægð.

Unnið er að gerð göngustígs frá Laugarnesvegi að dyrum byggingarinnar.

Skipholt

Stöðin “Hátún” er í um 500m fjarlægð frá húsnæði skólans í Skipholti. Þar stoppa vagnar nr. 2, 5, 14, 15 og 17.

Stöðin “Háteigskirkja” er í um 400m fjarlægð. Þar stoppar vagn nr. 12. Athugið að á þessari leið er stigi, malarstígur og gengið um stór bílastæði.

Þórunnartún

Húsnæði skólans í Þórunnartúni 2 er mitt á milli stöðvanna

Stöðvarnar “Höfðatorg” og “Rúgbrauðsgerðin” eru í um 150m fjarlægð frá húsnæði skólans í Þórunnartúni 2. Þar stoppa vagnar nr. 2, 4, 5, 12, 14, 15, 16 og 17.

Nánari upplýsingar um ferðir strætó er að finna HÉR .

Bíla- og hjólastæði

Stakkahlíð

Í húsnæði skólans við Stakkahlíð 1 eru tveir inngangar.

Inngangur við Stakkahlíð – Aðalinngangur:

Eitt bílastæði er merkt fyrir fólk með hreyfihamlanir.
Við innganginn eru nokkur almenn bílastæði.

Inngangur við Háteigsveg:

2 stæði eru merkt fyrir fólk með hreyfihamlanir.
Næg almenn bílastæði.
3 stæði við hleðslustöðvar.

Við innganginn eru stæði fyrir hjól.

Laugarnes

Í húsnæði skólans í Laugarnesi eru þrír inngangar.

Aðalinngangur á vesturhlið:

Við innanginn eru 2 bílastæði merkt fyrir fólk með hreyfihamlanir.
Fjöldi almennra bílastæða er við innganginn.
Við innganginn eru stæði fyrir hjól

Inngangur 2 á vesturhlið:

Fjöldi almennra bílastæða er við innganginn.
Við innganginn eru stæði fyrir hjól.

Inngangur á austurhlið:

Við innganginn er nokkuð stórt malarplan með fjölda almennra bílastæða.
Þar er eitt hellulagt stæði merkt fyrir fólk með hreyfihamlanir.

Skipholt

Engin almenn bílastæði eru við húsnæði skólans í Skipholti 31.

Bílastæði merkt fyrir fólk með hreyfihamlanir er til staðar á aðgangsstýrðu bílastæði við inngang að tónleikasalnum. Aðkoma inn á bílastæðið er frá Brautarholti.
Á meðan opnum viðburðum á vegum skólans stendur er hliðið inn á bílastæðið opið.
Gestir sem eiga bókaða fundi með starfsfólki og þurfa aðgang að stæðinu eru beðin að hafa samband við þann sem boðar til fundarins.
Hjólagrind er við neðri inngang við tónleikasalinn.

Þórunnartún

Við húsnæði skólans í Þórunnartúni 2 eru hvorki bíla- né hjólastæði.

Skynsegin aðgengi

Lýsing og hljóðvist eru almennt ekki góð í húsnæði skólans m.t.t. skynsegin fólks. Mikið er um flúor ljós í lofti og engin hljóðdempun á göngum. Gestir eru því hvattir til þess að koma með sinn eigin hljóð- og ljósdempandi búnað.

Næðisrými eru í undirbúningi í húsnæði skólans í Stakkahlíð og Laugarnesi.

Aðgengi fyrir blint og sjónskert fólk og stafnotendur

Húsnæði skólans í Laugarnesi og Þórunnartúni 2 er því miður ekki aðgengilegt fyrir blint og sjónskert fólk og stafnotendur án aðstoðar.

Húsnæði skólans í Skipholti 31 er aðgengilegt að hluta til.

Þau sem eru að skipuleggja heimsóknir í þessar byggingar eru vinsamlega beðin að hafa samband við skólann í síma 545 2200 eða á netfangið lhi@lhi.is.

Í húsnæði skólans í Stakkahlíð 1 eru leiðarlínur og viðvörunarkassar á gólfi jarðhæðar.

Á jarðhæð eru m.a. móttaka skólans og fyrirlestrarsalirnir Bratti og Skriða.

Til þess að koma í móttökuna er gengið inn um inngang frá Stakkahlíð. Þar eru tröppur og sjálfvirkar dyr sem opnast út.

Til þess að koma í fyrirlestrarsalina er gengið inn um inngang frá Háteigsvegi. Þar eru sjálfvirkar dyr inn í anddyri og opnast þær út. Inn úr anddyrinu eru aðrar sjálfvirkar dyr sem opnast í sömu átt. Engar leiðarlínur eru í anddyrinu og þar er stór og gróf motta.

Aðgengi fyrir heyrnalaust og döff fólk

Almennt býður skólinn ekki upp á táknmáls- eða rittúlkun á viðburðum skólans.
Gestir sem vilja koma með túlka með sér eru beðnir að hafa samband tímanlega við skólann í gegnum netfangið lhi @lhi.is svo hægt sé að tryggja aðstöðu og lýsingu fyrir túlka.

Snyrtingar

Stakkahlíð

Í Stakkahlíð eru aðgengilegar snyrtingar fyrir öll. Byggingin skiptist í Hamar, Enni, Múla og Klett en eins og er er skólinn með starfsemi í Hamri og Enni.
Hamar er austasti hluti byggingarinnar og er gengið inn í hann frá Háteigsvegi.

Í Hamri eru aðgengilegar snyrtingar fyrir fólk með hreyfihamlanir á öllum hæðum og eru þær snyrtingar einnig merktar sem kynhlutlausar. Snyrtingar merktar kvk og kk eru einnig á öllum hæðum. Bókasafn skólans og fyrirlestrarsalir eru í Hamri.

Enni liggur til vesturs frá Hamri. Móttaka skólans er í vesturenda Ennis, við inngang frá Stakkahlið. Á fyrstu hæð eru einnig matsala, námsráðgjöf og alþjóðaskrifstofa.

Í Enni eru snyrtingar á fyrstu og þriðju hæð en ekki á annarri hæð. Lyfta er milli hæða. Snyrtingarnar eru allar kynhlutlausar. Snyrtingarnar eru ekki aðgengileg fyrir fólk með hreyfihamlanir en stutt er að fara í Hamar.

Laugarnes

Í Laugarnesi eru allar snyrtingar kynhlutlausar. Snyrtingar fyrir fólk með hreyfihamlanir eru þrjár:

Á fyrstu hæð við aðalinngang. Þar er hurðaopnari.
Við hlið lyftu á annarri hæð.
Við enda MA svæðis á annarri hæð.

Handþurrkur og speglar á þessum snyrtingum eru staðsett ofarlega á veggjum.

Skipholt

Í Skipholti eru allar snyrtingar kynhlutlausar.

Starfsemi skólans fer fram á þremur hæðum, jarðhæð, 3ju og 4ju hæð. Snyrtingar fyrir fólk með hreyfihamlanir eru á öllum hæðum en misaðgengileg. Á hæðum 3 og 4 eru þröskuldar sem gætu verið hindrun fyrir einhverja hjólastóla og þungar hurðar. Á jarðhæð eru engir þröskuldar á milli tónleikasalarins og aðgengilegrar snyrtingar en þar er þung hurð sem er ekki með hurðaopnara.

Þórunnartún

Í Þórunnartúni eru snyrtingar kynhlutlausar.

Engar snyrtingar eru vel aðgengileg fyrir fólk með hreyfihamlanir. Þung hurð er inn á salernisganginn og er hún ekki með hurðaopnara. Ein snyrtingin er ágætlega rúmgóð og fólk sem notar göngugrind eða nettan hjólastól getur notað hana, með aðstoð.

Aðgengi fyrir fólk með hreyfihamlanir

Í vinnslu