Við Listaháskóla Íslands starfa listamenn og fræðimenn sem stunda rannsóknir í og á listum og í listkennslufræðum.
Listaháskólinn gerir þá kröfu til rannsakenda sinna að niðurstöðum sé ætíð miðlað með opinberum og aðgengilegum hætti, til sérfræðinga jafnt sem almennings, hvort sem er á listrænum eða fræðilegum vettvangi. Það beina og milliliðalausa samband sem listirnar hafa við samfélagið; ólíka aldurshópa, leikna sem lærða, er einn styrkur fræðasviðsins þegar kemur að mati á ávinningi rannsókna þar sem samfélagsleg áhrif eru oft mikil og augljós.
Listaháskóli Íslands ber ábyrgð á þróun fræðasviðs lista innan íslensks háskólasamfélags og leggur áherslu á rannsóknagildi sköpunar og listrænnar nálgunar.
Rannsóknir í listum fela í sér fjölbreyttar aðferðir og miðlunarleiðir sem þróaðar eru fyrir tilstilli listsköpunar. Þær ganga út frá tilteknum þekkingarkjarna og skilgreindu viðfangsefni eða spurningum sem leiddar eru fram í gegnum skapandi ferli og samspil verklegrar og fræðilegrar greiningar. Rannsóknirnar eru ýmist staðsettar innan faggreina háskólans; arkitektúrs, hönnunar, myndlistar, kvikmyndalistar, sviðslista, tónlistar og listkennslufræða eða unnar í samstarfi ólíkra fræðasviða. Þær eru settar fram á forsendum listanna í samhengi sem getur falið í sér fagurfræðilegar, þekkingarfræðilegar, siðfræðilegar, pólitískar og samfélagslegar vísanir. Niðurstöðum er ætíð miðlað með opinberum hætti, til sérfræðinga jafnt sem almennings, hvort sem er í listrænu formi eða á fræðilegum vettvangi. Þetta beina og milliliðalausa samband sem listirnar hafa við samfélagið; ólíka aldurshópa, og leikna sem lærða, er einn styrkur fræðasviðsins þegar kemur að mati á ávinningi listrannsókna.
Rannsóknarafrakstur
Hugarflug
Hugarflug, árleg ráðstefna Listaháskóla Íslands, er vettvangur fyrir opna, faglega og gagnrýna umræðu um listir, hönnun, arkitektúr og tengdar greinar.
Miðstöð rannsókna
Hugarflug '26
Hugarflug er árleg ráðstefna LHÍ — vettvangur fyrir opna, faglega og gagnrýna umræðu um listir og hönnun. Þriggja daga dagskrá með innlendum og erlendum fyrirlesurum, vinnustofum og umræðuþingum, opin almenningi.
Hugarflug '26
Rannsóknarsjóður LHÍResearch Fund
Árlegur sjóður sem styrkir rannsóknarverkefni starfsfólks. Umsóknarfrestur 15. september.
Útgáfusjóður LHÍPublication Fund
Stuðningur við útgáfu fræðirita, bóka og vefrita sem byggja á listrannsóknum.
Nýsköpunarsjóður námsmannaStudent Innovation Fund
Styrkir frumkvöðlaverkefni nemenda — frá hugmynd til frumgerðar. Umsóknir opnar í febrúar.
Alþjóðlegt rannsóknarsamstarf.
Aðstoð við umsóknir, verkefnastjórn og útgáfu.
Rannsóknarþjónusta LHÍ veitir kennurum, doktorsnemum og samstarfsaðilum ráðgjöf um ytri styrki, undirbúning umsókna, samningagerð og kynningu rannsókna á opinberum vettvangi.