Meistaranám í Listum og velferð miðar að því að leiða saman breiðan hóp nemenda og fagfólks innan lista- og heilbrigðisgeirans sem hafa áhuga á að þróa leiðir til að nýta listir í þágu félags- og heilsueflingar. Markmiðið með náminu er að fjölga  snertiflötum listanna við samfélagið og auka aðgengi og þátttöka ólíkra hópa í listtengdum verkefnum og viðburðum. Áhersla er á að þróa nýjar leiðir í þverfaglegri samvinnu stofnana, félagasamtaka og listamanna, í störfum sem fara fram við síbreytilegar aðstæður með fjölbreyttum hópi einstaklinga.
 
Námið byggir á fjölbreyttum námsskeiðum, sem m.a. fjalla um kenningar um inngildingu, listmeðferðarfræði, listir í samfélaginu og ólíkar rannsóknaraðferðir, auk þess sem nemendur sækja vinnustofur og stunda vettvangsnám. Meistaranámi í Listum og velferð er ætlað að styðja við einstaklingsbundinn áhuga nemenda, byggja á reynslu þeirra og fyrra námi. Lagt er upp með sjálfstæðar starfstengdar rannsóknir þar sem hver nemandi þróar sína eigin leið í gegnum námið og byggir lokaverkefni sitt á persónulegum faglegum áhuga, reynslu og framtíðarsýn. Þannig miðar námið að því að styrkja einstaklingsbundna færni nemenda til teymisvinnu í samstarfi við vettvang. Í gegnum aðferðir lista og með samvinnu faggreina og ólíkra hópa samfélagsins mótum við nýjar leiðir til aukinnar velferðar. Nemendur munu þróa stjórnunarhæfni sína, getu til að ígrunda á gagnrýninn hátt og færni til að taka þátt í samstarfsverkefnum í ólíku félagslegu samhengi. Námið miðar þannig að því styðja við borgaralega þátttöku og félagslega ábyrgð nemenda og stofnana í átt að inngildingu.
 
Um er að ræða tveggja ára 120 eininga staðnám. Nemendur útskrifast ýmist með M.Art.-gráðu (stig 6.1) eða MA-gráðu (stig 6.2, rannsóknargráða). MA-gráða veitir aðgang að frekara námi á doktorsstigi. 
 
Kennslutungumál er íslenska
 

 

Aðgangsviðmið 

BA-gráða í listum eða bakkalárgráða í heilbrigðisvísindum og talsverð menntun og/eða reynsla í einhverri listgrein. Áhugi og reynsla af vinnu með viðkvæmum hópum er skilyrði.
 
 

Nánar um uppbyggingu námsins 

Diagram</p>
<p>Description automatically generated

 

Lokaverkefni

Lokaverkefni geta verið í formi rannsóknar eða viðburðar. Í öllum tilfellum skal rannsóknin eða verkefnin vera tengd og byggð á verklegri og listrænni vinnu með völdum hópi í samfélaginu. 
 
*Námsbrautin hefur hlotið styrk til þróunar frá Erasmus+ áætluninni í samstarfi við University of Porto, University of Alicante, University of Hertfordshire, Academy of Fine Arts in Munich, Metropolia University of Applied Sciences in Helsinki, and AEC (The Association Européenne des Conservatoires, Académies de Musique et Musikhochschulen. 
 

 

 

KENNSLUSKRÁ OG UPPBYGGING NÁMS

Smellið hér fyrir kennsluskrá og uppbyggingu náms

MIKILVÆGAR UPPLÝSINGAR

Opnað fyrir umsóknir: 9. janúar 2023

Umsóknarfrestur: 15. maí 2023

Umsóknum svarað: Júní 2023

Umsóknargjald 5000 kr.

UMSÓKNIR

Rafræn umsókn
Sérleiðbeiningar deildar

HAFA SAMBAND

olofhugrun [at] lhi.is (Ólöf Hugrún Valdimarsdóttir), deildarfulltrúi

FLÝTILEIÐIR

Skólareglur
Háskólalög
Skólagjöld LHÍ
Kennsluskrá LHÍ

Umsóknar- og inntökuferli

Selected graduation projects

Ljóðasmiðja- Poetry Workshop
Dálítill sjór
„Listkennslan blönduð saman við listamanninn er fullkomin blanda. Að kenna gefur þér svo mikinn innblástur fyrir þína eigin listsköpun.
 
Það sem stendur hæst eftir námið er risastórt tengslanet af fólki. Einnig tek ég með mér fulla fjársjóðskistu af visku og verkfærum sem munu nýtast mér í minni kennslu og almennt í öllu lífinu.
 
Það sem ég er kannski ánægðust með er að ég náði í gegnum námið að tengja allt saman sem ég hef verið að fást við í lífinu; fatahönnuðinn, jógakennarann, listamanninn og listkennarann í mér. Námið hjálpaði mér að tengja.“
 

 

 

Thelma Björk Jónsdóttir, hönnuður og jógakennari.

Frá deildarforseta

Í listkennsludeild Listaháskóla Íslands er námið um margt öðruvísi skipulagt en víðast er um listkennaranám. það felst í því að í náminu eru listamenn úr öllum listgreinum: myndlist, arkitektúr, hönnun, tónlist, leiklist og dansi, sem hafa ákveðið að bæta við sig menntun í kennslu og miðlun. Þó nemendum bjóðist námskeið og samtal tengd eigin listgreinum er meirihluti námskeiða opinn öllum og gerir það deildina að kraumandi potti listanna.

Kristín Valsdóttir, deildarforseti.