Automatic translation by Google Translate.We cannot guarantee that it is accurate.
Skoða vefinn á ÍslenskuHljóðfæraleikur B.Mus
Nám í hljóðfæraleik við Listaháskóla Íslands veitir hljóðfæraleikurum tækifæri til að bæta við færni sína og styrk á hljóðfæri sitt og gerir þeim þannig kleift að takast á við frekara nám og framtíðarstörf í tónlist.
Information is provided in Icelandic for study programmes that have Icelandic as the primary language of instruction.
Um námið
Meginmarkmið námsleiðarinnar er að veita nemendum staðgóða þekkingu og hæfni á hljóðfæri sitt. Nám í klassískum hljóðfæraleik krefst mikils af nemendum, en til að fá inngöngu þarf þegar að eiga að baki umtalsverða tónlistarskólagöngu. Ætlast er til að nemendur æfi sig skipulega og reglulega svo þeir fái góða yfirsýn yfir það efni sem umfangsmikil námsskráin byggir á. Lögð er áhersla á að nemendur dýpki skilning sinn á tækni, aðferðum og mismunandi stíltegundum í tónlist, flutningi hennar og túlkun. Námið er persónulegt og einstaklingsmiðað og miðar að því að nemandinn þrói með sér innsæi og persónulegan stíl í túlkun sinni á hvers kyns klassískri tónlist. Þá stendur nemendum til boða að bæta við sig valnámskeiðum á fjölbreyttu sviði hljóðfæraleiks og fræða og geta þannig breikkað starfssvið sitt að námi loknu.
Uppbygging náms
Námið er þriggja ára bakkalárnám (BMus). Nemendur sækja einkatíma og hóptíma hjá framúrskarandi listamönnum, innlendum sem erlendum. Megináherslan er á lifandi flutning tónlistar og fá því nemendur tækifæri til að koma reglulega fram á opinberum tónleikum og masterklössum bæði sem einleikarar og í kammer- og samspilshópum af ýmsum toga. Þá býður þátttaka í tónleikum tónsmíðadeildar upp á ómetanlega reynslu í flutningi nýrrar tónlistar. Námskeið í grunnatriðum hljóðfærakennslu gera námið við deildina enn fjölbreyttara, gagnlegra og áhugaverðara. Þá er boðið upp á þjálfun í sviðsframkomu sem nýtist vel á tónleikasviðinu. Öflugt samstarf er við erlenda tónlistarháskóla sem gerir nemendum kleift að taka þátt í alþjóðlegum verkefnum.
Að loknu námi
Hljóðfæranám við Tónlistardeild LHÍ veitir góðan grunn fyrir áframhaldandi nám í hljóðfæraleik á meistarastigi við erlenda tónlistarháskóla. Þeir nemendur sem hyggjast einbeita sér að kennslu eiga jafnframt greiðan aðgang meistaranámi við LHÍ í kennslufræði (M.Ed).
Umsóknar- og inntökuferli
Umsókn um nám í Listaháskóla Íslands er fyllt út í umsóknargátt.
Umsóknarferlið er í tveimur skrefum: í fyrra skrefinu er umsóknin fyllt út með fylgigögnum og umsóknargjald er greitt.
Seinna skrefið er inntökuferli og er í eftirfarandi þrepum:
- Stöðupróf í tónfræðigreinum.
- Áheyrnarprufur og viðtöl: 2. maí 2025
- Endanlegar niðurstöður: Tilkynntar fyrir lok maí 2025
Opnað fyrir umsóknir
10. febrúar 2025
Umsóknarfrestur
8. apríl 2025
Umsóknum svarað
Maí / júní 2025
Verðskrá
Inntökuskilyrði
Inntökuskilyrði í hljóðfæraleik skiptast í almenn inntökuskilyrði og sértæk inntökuskilyrði.
-
Almenn inntökuskilyrði
skyldaMiðað er við að umsækjendur um bakkalárnám í söng hafi lokið stúdentsprófi eða sambærilegu námi.
-
Sértæk inntökuskilyrði
skyldaUmsækjandi um nám í hljóðfæraleik hafi lokið eða stundi nám á framhaldsstigi samkvæmt aðalnámskrá tónlistarskólanna eða sambærilegt nám.
-
Undanþágur
Listaháskólanum er heimilt að veita inngöngu í skólann umsækjendum sem búa yfir þekkingu og reynslu sem telst fullnægjandi undirbúningur til bakkalárnáms við skólann. Þó er við það miðað að umsækjendur hafi lokið eigi færri en 105 einingum úr eldra kerfi framhaldsskólastigsins eða 150 framhaldsskólaeiningum samkvæmt nýja kerfinu.
Leiðbeiningar
Umsækjendi skal fylla út rafræna umsókn í umsóknargátt.
Umsókn skal fylgja eftirfarandi fylgiskjöl:
-
1. kynningarbréf
SkyldaÍ kynningarbréfi tekur umsækjandi meðal annars fram á hvaða hljóðfæri hann leikur og hver er hvati umsóknar í viðkomandi námsleið.
-
2. Prófskírteini
skyldaUmsækjendur eru beðnir um að skila inn staðfestu afriti af prófskírteini úr framhaldsskóla auk námsferilsyfirliti úr tónlistarskóla ef það á við.
a) Skannið frumrit af prófskírteinum og hengið við umsókn eða
b) Fáið staðfest afrit af prófskírteinum með stimpli frá viðkomandi skóla, skannið og hengið við umsókn.
c) Fáið staðfest afrit af undangengnu tónlistarnámi ef við á (afrit af nýjasta stigsprófi sem þreytt hefur verið) með stimpli frá viðkomandi skóla, skannið og hengið við umsókn. -
3. Tenglar
SkyldaUmsækjendur geta sent inn tengla af tónlist og tónlistarflutningi. Athugið myndbandsupptaka kemur að jafnaði ekki í stað áheyrnarprufu í hljóðfæraleik.
Inntökuferli
Inntökuferli fer fram í þremur þrepum.
-
1. Stöðupróf í tónfræðigreinum
SkyldaUmsækjendur eru boðaðir í stöðupróf í tónfræðigreinum sem fer fram 2. maí 2025.
Sýnishorn af stöðuprófum má nálgast hér að neðan. -
2. Áheyrnarprufur og viðtöl
SkyldaÁheyrnarprufa í hljóðfæraleik:
Umsækjandi skal leika eina æfingu/etýðu eða einleiksverk sem sýnir tæknilega færni viðkomandi og tvö verk frá mismunandi tímabilum tónlistarsögunnar sem sýna breidd í færni og túlkun.
Verk sem mælt er með að séu flutt:
- Blásturshljóðfæri: Fyrsti þáttur úr klassískum konserti
- Strengjahljóðfæri: Þáttur úr einleiksverki eftir J. S. Bach
- Píanó: Hraður þáttur úr klassískri sónötu.
-
3. Niðurstöður tilkynntar
SkyldaNiðurstöður umsókna eru tilkynntar í maí 2025.
