Rósa Rún Aðalsteinsdóttir útskrifast með meistaragráðu og kennsluréttindi frá listkennsludeild veturinn 2026
Syndlaug og samtal:
heimildarmynd um vinnuferli danshöfundar í samstarfi við dansnemendur.
Í þessu verkefni kanna ég hvernig samskipti milli danshöfundar og dansnemenda geta haft áhrif á skapandi ferli. Rannsóknin byggir á skrásetningu tveggja anna vinnu við gerð dansverks.
Miðlunarhluti verkefnisins er heimildarmyndin Syndlaug og samtal sem fylgir ferðalagi mínu með hópi útskriftarnemanda í dansi þar sem við sköpuðum dansverkið Syndlaug. Myndin opnar á einlæga hlið æfingaferilsins og sýnir hvernig traust og náin samskipti móta sköpunarferlið.
Niðurstöður benda til þess að samskipti og tengsl séu grunnforsenda skapandi ferils. Verkefnið varpar ljósi á mikilvægi þess að skrásetja vinnuferli danshöfunda og sýnir hvernig sameiginlegt sköpunarrými, mótað af tengslum og samtali, getur orðið kjarninn í lifandi dansverki.
Hlekkur á heimildarmyndina Syndlaug og samtal hér.
Leiðbeinandi: Hrefna Lind Lárusdóttir
30 ECTS Listkennslufræði MA
2026
Verkið í myndum.
