Rytmísk söng - / hljóðfærakennsla

Rytmísk söng-/hljóðfærakennsla: Þriggja ára 180 eininga BMus.Ed-nám (frá og með haustinu 2018).

Áhersla er lögð á fjölþætta þjálfun í rytmískum hljóðfæraleik eða söng með samspilskennslu sem meginmarkmið. Auk þess er áhersla lögð á kennslufræðitengdar greinar og önnur fræði.

Markmiðið er að við lok námsins séu nemendur færir um að kenna á aðalhljóðfæri sitt, helstu hliðargreinar rytmískrar tónlistar, samspil og grunntök á algengustu hljóðfæri rytmísks samspils; gítar, bassa, trommur, píanó/hljómborð, söng og handslagverk. 

Umtalsverð áhersla er því á aukahljóðfæri, samspil og samspilskennslu. Miðað er við að nemendur búi yfir góðri þekkingar á víðu sviði rytmískrar tónlistar sem nýtist þeim við kennslu ungmenna við ólíkar aðstæður í fjölbreyttu samfélagi. Meðal sértækra námsgreina má nefna rytmíska kennslufræði, aukahljóðfæri og samspil, útsetningar, stjórnun, hljóðtækni sálfræði og margt fleira. 

Upplýsingar veitir Elín Anna Ísaksdóttir, fagstjóri söng-/hljóðfærakennslu.

 

Nafn brautar: Söng-/hljóðfærakennsla
Nafn gráðu: B.Mus.Ed
Einingar: 180 ECTS
Lengd náms: 6 annir – 3 ár

Frá fagstjóra

Með tilkomu kennarnáms í rytmískri tónlist við Listaháskóla Íslands opnast í fyrsta sinn sá möguleiki að nemendur geti öðlast háskólagráðu í þessari tegund tónlistar hér á landi. Námið byggir á þeim grunni sem byggður hefur verið í Tónlistarskóla FÍH undanfarin tuttugu ár en gengur nú skrefi lengra í LHÍ með BMus.Ed gráðu. Þetta er stórt og spenandi skref fyrir rytmíska tónlist og tónlistarkennslu á Íslandi. 

Sigurður Flosason