Opnað hefur verið fyrir umsóknir um námskeið á vorönn 2017.
Á vorönn 2017 verður boðið upp á fjölbreytt námskeið í öllum deildum Listaháskóla Íslands. Í Opna listaháskólanum getur fagfólk nú sótt námskeið sem kennd eru í deildum en stefnt er að því að námskeið verði opnuð fyrir fleiri hópum á næstu misserum. 
 

Námskeiðum er skipt niður hér fyrir neðan eftir deildum. Umsóknareyðublöðin hér til hægri eru einnig flokkuð eftir deildum. Ef námskeiðið tilheyrir t.d. listkennsludeild þá þarf að opna umsóknareyðublað merkt listkennsludeild og þar er hakað við það námskeið sem sækja á um.

Umsókn
Námskeiðin eru á BA og MA stigi og er fagleg stjórnun þeirra í höndum deilda Listaháskóla Íslands. Þau er hægt að taka bæði með eða án eininga. Mikilvægt er að umsækjendur skili vel útfylltu umsóknareyðublaði.

Námskeiðsyfirlit eftir deildum

Listkennsludeild

Vorönn 2017 
Aðferðir tónlistar í kennslu, 2 einingar
Kennarinn- listamaðurinn, 4 einingar NÝTT
From studio to classroom (Frá vinnustofu í kennslustofu), 2 einingar
Heimspeki menntunar, 6 einingar
Human rights & creative education, 6 eða 10 einingar NÝTT
Leikgerð, 2 einingar
Leikstjórn með ungu fólki, 4 einingar
Listir og samfélag, 4 eða 6 einingar
Listmeðferð í námi I, 4 einingar
Umsjónarkennarinn, 2 einingar

Myndlistardeild

Vorönn 2017 
Alþjóðleg myndlist frá 1970 til samtímans, 4 einingar
Sjónmenning samtímans, 4 einingar
Frá póstmódernisma til altermódernisma og eftirframleiðslu, 4 einingar
Eros: Myndlíkingar ástarinnar í sögu listarinnar, 4 einingar
The Element of Chance the Unintentional the Repetition and the Rule, 4 einingar

Tónlistardeild

Vorönn 2017 
Gagnvirk tónlist I, 2 einingar
Gagnrýnin hlustun, 4 einingar
Íslenskt hljóðkerfi, 2 einingar
Hljóð og mynd, 4 einingar
John Cage og bandarísk tilraunatónlist, 3 einingar FULLT
Kennslufræði tónlistar, 8 einingar
Raflosti, 2 einingar
Raftónlistarsaga I, 2 einingar
Skapandi starf í tónlistarnámi I, 2 einingar
Voces Thules - Miðaldatónlist, 4 einingar

Sviðslistadeild

Vorönn 2017 
Andstæður – samstæður, 2 einingar (námskeiðið er fullt)
AcTango, 2 einingar
Compleate vocal söngtækni, 2 einingar (námskeiðið er fullt)
Kyogen – Samurai gamanleikir, 2 einingar (námskeiðið fellur niður)
The Automatic Workshop, 0 einingar  (námskeiðið er nú þegar hafið)
Útvarpsleikhús, 2 einingar (námskeiðið er fullt)

Hönnunar- og arkitektúrdeild

Vorönn 2017 
Grafísk hönnun á Íslandi, 2 einingar
Íslensk vöruhönnun, 4 einingar

 

Leiðarljós Opna Listaháskólans

Opni listaháskólinn er gátt Listaháskólans út í samfélagið þar sem þekking og reynsla fær að streyma óhindrað í báðar áttir. Markmið hans er meðal annars að glæða áhuga almennings á listum og veita sem breiðustum hópi fólks aðgang að þeirri sérþekkingu og aðstöðu sem Listaháskóli Íslands býr yfir. 
Með tilkomu Opna listaháskólans stóraukast einnig möguleikar starfandi listafólks og hönnuða til símenntunar, starfsþróunar og tenglsamyndunar. Áhersla verður lögð á að greina og bregðast við þörfum vettvangsins og eiga í virku  samstarfi við fagfélög, fyrirtæki og stofnanir þar um.
Opni listaháskólinn fagnar fjölbreytileika mannlífsins og því verður kapp lagt á að tryggja aðgengi þeirra hópa sem hingað til hafa ekki átt greiðan aðgang að list- og menningarfræðslu, hvort sem er vegna búsetu, fötlunar, uppruna eða annarra þátta.
Viðburðir á vegum Opna listaháskólans verða allt frá snörpum kvöldnámskeiðum fyrir almenning til stórra sérhæfðra námskeiða á meistarastigi.