Á háskólastigi eru gerðar kröfur um að nemendur læri að tileinka sér fræðileg vinnubrögð við ritgerðasmíð.

Fræðilegar ritgerðir krefjast þess að höfundaréttur sé virtur og heimilda getið, þ.e. að sá sem skrifar geri grein fyrir því hvaða heimildir hafa verið notaðar við ritgerðarsmíðina.

Til að gera grein fyrir þeim heimildum sem unnið er með er nauðsynlegt að fara eftir ákveðnum reglum um heimildaskráningu

Allar deildir utan Listaháskóla Íslands utan listkennsludeildar skrá heimildir samkvæmt reglum sem byggja á The Chicago Manual of Style (CMS) staðlinum.

Listkennsludeild styðst við APA heimildarskráningarstaðalinn. Einnig eru mjög góðar leiðbeiningar um notkun APA staðalsins í Gagnfræðakveri handa háskólanemum.

Fræðileg skrif og ritgerðir 

Við skil á fræðilegum ritgerðum er nauðsynlegt að styðjast við leiðbeiningar um ritgerðasmíð í ritum sem vísað er í hér að neðan.

Bækur um ritgerðasmíð og heimildanotkun á bókasafni LHÍ

Friðrik H. Jónsson og Sigurður J. Grétarsson (2007). Gagnfræðakver handa háskólanemum. Reykjavík: Háskólaútgáfan.

Ingibjörg Axelsdóttir og Þórunn Blöndal (2010). Handbók um ritun og frágang. Reykjavík: Mál og menning.

Ólafur M. Jóhannesson og Ragnar S. Magnússon (1995). Ritun (2. pr.). Reykjavík: Ólafur M. Jóhannesson og Ragnar S. Magnússon.

Kennslubók um ritgerðarsmíð eftir Eirík Rögnvaldsson (2012) má nálgast á rafrænu formi hér.

Heimildaleitir

Bókasafn Listaháskólans mælir með því að nota vefsíðuna leitir.is til að leita að heimildum í íslenskum bókasöfnum, þar á meðal í safnkosti bókasafns LHÍ, og ýmsum gagnasöfnum, innlendum sem erlendum. Jafnframt má nota síðuna til að fá ýmsa bókasafnsþjónustu á borð við endurnýjanir lána og millisafnalán. Leiðbeiningar til að nýta sér helstu möguleika leitir.is má finna hér að neðan.

-Þrengja og víkka leitir

-Ýmis leitartrix

-Leit í ákveðnu safni

-Að skoða og endurnýja útlán

-Að taka frá efni

-Að panta millisafnalán

-Að panta millisafnalán þegar efni finnst ekki