Automatic translation by Google Translate.We cannot guarantee that it is accurate.
Skoða vefinn á ÍslenskuVigdís Ósk Howser Harðardóttir
Vigdís mun útskrifast sem handritshöfundur frá kvikmyndalistadeild 2025. Henni finnst fátt skemmtilegra en að fara í bíó og týna sér í myndum á stóra skjánum. Hún hefur alltaf elskað kvikmyndagerð og elskar að koma sögum á blað og svo frá blaði í mynd. Vigdís er einnig fær leikstjóri og með einstaka sýn. Hún elskar kvikmyndir sem búa yfir töfraraunsæi og góðar hryllingsmyndir á myrku íslensku kvöldi.
BA Kvikmyndagerð
Handrit: Börnin á Sævarenda
Grein: hrollvekja, kvikmynd í fullri lengd
Börnin á Sævarenda er drungaleg og spennandi hrollvekja sem gerist í Garðabæ, rólegu og vel stæðu hverfi á Íslandi. Sagan snýst um Ölbu, 17 ára stelpu sem á í erfiðu sambandi við stjórnsama foreldra sína og fær það sífellt meira á tilfinninguna að eitthvað alvarlegt sé að – bæði heima og innra með henni sjálfri. Þegar Magnea, besta vinkona Ölbu úr æsku, deyr við grunsamlegar aðstæður sogast Alba inn í hryllilega leit að svörum. Hún byrjar að missa tökin á raunveruleikanum þegar gömul sár ýfast upp, skrýtin tákn birtast víðsvegar og minningarnar um fortíðina – og tilfinningar hennar gagnvart Magneu – flækjast saman við eitthvað myrkt og ógnvekjandi. Alba neyðist til að kafa dýpra til að finna sannleikann um sjálfa sig og finnur að hún er stödd mitt í samsæri sem teygir sig langt út fyrir fjölskylduna og breytir öllu því sem hún hélt að væri satt.
Aukaverkefni
Stuttmynd: Dabb
Árið er 2035. Borgarastyrjöld geisar í Bandaríkjunum. Ófrjósemi eykst hjá konum og körlum en Fannar og Lilja eru á leiðinni í matarboð.
Leikstjórn: Vigdís Howser Handrit: Vigdís Howser Framleiðandi: Kristján Ernir Björgvinsson Stjórn kvikmyndatöku: Ástrós Lind Klipping: Vigdís Howser Hljóðhönnun: Pétur Gunnar Guðmundsson Tónlist: Katla Heimisdóttir, Daði Freyr Leikarar: Tómas Howser, Silja Rós, Þorsteinn Bachmann, Vigdís Gunnarsdóttir
