07.05.25
Salurinn Kópavogi
Flytjendur
Högni Gunnar Högnason, selló
Eva Þyri Hilmarsdóttir, píanó
Tómas Vigur Magnússon, fiðla
Styrmir Þeyr Traustason, píanó
B.Mus. Hljóðfæraleikur
Högni Gunnar er fæddur þann 19.desember, árið 2002 og hóf Suzuki-sellónám fimm ára að aldri hjá Örnólfi Kristjánssyni í Tónskóla Sigursveins D. Kristinssonar. Högni Gunnar lærði hjá Örnólfi í heil tíu ár en að þeim loknum fór hann til Gunnars Kvaran. Hann naut handleiðslu Gunnars Kvaran næstu fjögur árin eða þar til hann útskrifaðist með framhaldspróf frá Tónskóla Sigursveins árið 2022. Haustið 2022 hóf hann að stunda nám í klassískum hljóðfæraleik við Listaháskóla Íslands undir leiðsögn Sigurðar Bjarka Gunnarssonar og Sigurgeirs Agnarssonar.
Högni Gunnar hefur tekið þátt í ýmsum verkefnum í gegnum tíðina, t.a.m. hefur hann sótt námskeið hérlendis og erlendis en ásamt því hefur hann sótt fjölda masterclassa. Hann hefur einnig tekið þátt í ýmsum hljómsveitarverkefnum en er þar helst að nefna Ungsveit Sinfóníuhljómsveitar Íslands og Ungfóníuna.