Millisafnalán

Millisafnalán eru lán frá öðrum bókasöfnum á bókum eða tímaritsgreinum sem ekki eru til á bókasafni LHÍ.

Millisafnalán eiga ekki við um lán frá almenningsbókasöfnum á höfuðborgarsvæðinu. Lánþegum er bent á að sækja sér þjónustu milliliðalaust á þau bókasöfn.

Beiðnir um millisafnalán eru fylltar út í leitir.is – sjá leiðbeiningar.

Lánþegar:

• Finna sjálfir ritið á leitir.is og smella á Leita að tiltækri þjónustu.
• Skrá sig inn sem notendur Listaháskóla Íslands með rafrænum skilríkjum eða notandanafni og lykilorði.
• Velja Millisafnalán í Hvernig á að nálgast.
• Merkja við Fús til að greiða.
• Velja Afendingarstað úr listanum.
• Smella á Senda beiðni.

Ef ritið finnst ekki á leitir.is:

• Smella á flipann Millisafnalán.
• Skrá sig inn með rafrænum skilríkjum eða notendanafni og lykilorði.
• Fylla út Beiðni um millisafnalán.
• Merkja við Fús til að greiða.
• Velja Afhendingarstað úr listanum.
• Smella á Senda beiðni.

Við afgreiðum millisafnalán eins fljótt og hægt er. Lánstími gagna er 30 dagar en hægt er að biðja um endurnýjun.

Rit og greinar eru afhent í afgreiðslu bókasafnsins í Stakkahlíð. Athugið að tímaritsgreinar eru einungis afhentar útprentaðar.

Beiðni um millisafnalán er bindandi og verður rukkað fyrir ósóttar beiðnir.

Ef einhver vandræði koma upp hafið samband við bókasafnið í síma 545 2217 eða sendið tölvupóst í millisafnalan@lhi.is