Stefna hönnunar- og arkitektúrdeildar er að miðla og kenna aðferðarfræði við lausn viðfangsefna á grundvelli breiðrar hugmyndafræði. Framlag deildarinnar er að vera framarlega í tækni og hugmyndafræði sem notast við breiða og opna aðferðarfræði við lausn viðfangsefna. Deildin vill vera sterkt afl í íslensku samfélagi á ört vaxandi sviði upplýsingatækni og sköpunar.
Stefnan er að:
- Hvetja til meðvitaðrar afstöðu til lífsgæða með vandaðri og ábyrgri hönnun.
- Upphefja skilning og þekkingu á hönnun með vel skilgreindri og upplýstri hugmyndafræði.
- Hvetja til umburðarlyndis og víðsýni í hönnun sem byggir á sjálfstæðum og frumlegum vinnubrögðum.
- Setja alla hönnun í greinargott og skilmerkilegt samhengi við mikilvægustu aðstæður hverju sinni.
- Greina og skilja aðstæður sem hvetja til frjórrar hugsunar og upphefja frumleika, kjark, ímyndunarafl og sjálfstæða hugsun.
- Að stefna til framtíðar.
Einkunnarorð
Skilningur - Þekking - Færni - Sköpun - Frumleiki - Áræði - Útgeislun - Innsæi - Persónuleg sýn.
Markmið
- Að innleiða hjá nemendum aðferðafræði byggða á skoðun og gagnrýni.
- Að móta leiðir til að bregðast við í formum og efnum sem höfða til samfélagsins.
- Að menntunin undirbúi einstaklinga til að takast á við víðtæk viðfangsefni á skapandi og gagnrýninn hátt.
- Að nemandur öðlist haldgóða þekkingu á tækni, reglum og miðlum.
Námið reynir á skipulagshæfileika, listrænt innsæi og að nemandur hafi yfirsýn yfir mörg ólík fagsvið. Haft er að leiðarljósi að nemendur öðlist víðsýni, taki á mismunandi verkefnum á skapandi hátt og forðist gagnrýnislausa hugsun við úrlausn verkefna.