Sigur Huldar Ellerup Geirs

20.11.25
Salurinn Kópavogi


Flytjendur

Sigur Huldar Ellerup Geirs
Matthildur Anna Gísladóttir, píanó

Sigur Huldar Ellerup Geirs
BA Söngur

Sigur Huldar Ellerup Geirs stundaði nám í Domus Vox hjá Hönnu Björk Guðjónsdóttur árið 2015 og lauk þar grunnprófi í söng. Sigur hóf síðan nám í MÍT og lauk þar stúdentsprófi í klassískum söng undir leiðsögn Sigrúnar Hjálmtýsdóttur.

Hán hefur undanfarin misseri stundað nám við söngdeild Listaháskóla Íslands undir leiðsögn Hönnu Dóru Sturludóttur, Dísellu Lárusdóttur og Kristins Sigmundssonar. Sigur hefur verið í kórum alla sína ævi og fengið tækifæri til þess að taka þátt í ýmsum verkefnum á þeirra vegum. Með kammerkórnum Aurora lék Sigur í söngleiknum 9Líf um Bubba Morthens sem sýndur var 250 sinnum á stóra sviði Borgaleikhúsins og með söngleikja- og sviðslistakórnum Viðlagi tók hán þátt í uppsetningu á sýningunni ,,Við erum hér” en hún var sýnd fyrir fullu húsi í Tjarnarbíói frá október 2024 til febrúar 2025.

Í námi sínu hefur Sigur tekist á hendur ýmis hlutverk úr óperu bókmenntunum og meðal hlutverka sem hán hefur farið með eru: Pastore í La liberazione di Ruggiero dall’isola di Alcina eftir Francesca Caccini, Dr. Blind úr Die Fledermaus eftir Johann Strauss II, Nornin í Hans og Grétu eftir Engelbert Humperdinck. Hán hefur einnig tekið þátt í óperudögum og fór þar með hlutverk Hönnu ,,eftir”  í óperunni As One eftir Laura Kaminsky, undir leikstjórn Örnu Magneu Danks.