Klassískt flytjendanám B.Mus

Kynningarbréf: Í kynningarbréfi þarf umsækjandi að taka fram hvaða áherslusvið hann sækir um: söng, hljóðfæri (og þá hvaða hljóðfæri) eða kirkjutónlist. Þá skal meðal annars koma fram hver hvati umsækjanda er fyrir umsókn í viðkomandi námsleið og upplýsingar um fyrra nám og þátttöku í tónlist.

ATHUGIÐ
Ef umsækjandi óskar eftir að taka einkatímaval á fyrsta ári, skal það koma skýrt fram í kynningarbréfi. Þar þarf að tilgreina hvaða aukahljóðfæri sótt er um og gera grein fyrir fyrra námi og reynslu. Umsækjendur sem uppfylla skilyrði til þátttöku í einkatímavali geta verið boðaðir í áheyrnarprufu, þar sem þeir leika einnig á aukahljóðfæri sitt.
Tekið skal fram að ekki er unnt að verða við öllum umsóknum.

Prófskírteini: Umsækjendur eru beðnir um að skila inn staðfestu afriti af prófskírteini úr framhaldsskóla auk námsferilsyfirliti úr tónlistarskóla ef það á við.

a) Skannið frumrit  af prófskírteinum og hengið við umsókn eða fáið staðfest afrit af prófskírteinum með stimpli frá viðkomandi skóla, skannið og hengið við umsókn.
b) Fáið staðfest afrit af undangengnu tónlistarnámi (afrit af nýjasta stigsprófi sem þreytt hefur verið) með stimpli frá viðkomandi skóla, skannið og hengið við umsókn.

Tenglar: Umsækjendur skulu senda inn tengla að myndbandsupptökum af eigin tónlistarflutningi sem sýna fram á hæfni á viðeigandi hljóðfæri/söng.

Viðmið fyrir myndbandsupptökur:

Söngur

1. Tvær aríur frá ólíku tímabili og á mismunandi tungumálum
2. Tvö sönglög á mismunandi tungumálum
3. Eintal á íslensku, um tvær mínútur að lengd til að sýni túlkunarhæfni og textameðferð. Erlendir umsækjendur hafa leyfi til að flytja texta á móðurmáli sínu.

Allur flutningur skal vera blaðlaus,

Hljóðfæri

Píanó/gítar/harmóníka:

1. Klassískur sónötukafli
2. Rómantískt eða 20. aldar verk
3. Etýða

eða sambærilegt

Strengir

1. Þáttur úr verki eða verk frá barrokk eða klassíska tímabilinu
2. Þáttur úr verki eða verk frá rómantíska tímabilinu eða 20. öld
3. Etýða

eða sambærilegt.

Blásturshljóðfæri

1. Fyrsti þáttur úr klassískum konserti
2. Verk frá rómantíska tímabilinu eða 20. öld
3. Etýða

eða sambærilegt.

Kirkjutónlist

Umsækjendur þurfa senda inn myndbandsupptöku af orgelleik sínum, amk. tvö einleiksverk frá mismunandi tímabilum tónlistarsögunnar sem sýna breidd í færni og túlkun.

Þessir listar eru til viðmiðunar, leyfilegt er að senda önnur verk sem sýna sambærilega hæfni eða kunnáttu eða sem hæfa tilteknu hljóðfæri betur.

Athugið að myndbandsupptaka kemur ekki í stað áheyrnarprufu í hljóðfæraleik/söng.

Umsókn tryggir ekki boð í áheyrnarprufu.

Almenn inntökuskilyrði eru stúdentspróf, lokaprófi frá framhaldsskóla á þriðja hæfniþrepi, sambærilegt prófi frá erlendum framhaldsskóla eða að lágmarki 60 ECTS einingum frá viðurkenndum háskóla. Umsóknum skal fylgja staðfest afrit af prófskírteinum og staðfest afrit af námsferilsyfirliti.

Heimilt er að veita inngöngu í skólann þeim umsækjendum sem búa yfir þekkingu og reynslu sem telst fullnægjandi undirbúningur til bakkalárnáms við skólann. Sjá nánar „undanþágur vegna inntöku“

Inntökunefndir meta umsóknir á grundvelli innsendra gagna auk viðtala og/eða inntökuprófa á þeim sviðum sem við á. Deildarforseti skipar inntökunefnd fyrir hverja námsleið í samráði við fagstjóra og vinna inntökunefndir eftir verklagsreglum sem kynntar eru umsækjendum.

Heimilt er að veita inngöngu í námsleiðina þeim umsækjendum sem búa yfir þekkingu og reynslu sem telst fullnægjandi undirbúningur til bakkalárnáms. Inntökuskilyrði eru framhaldspróf í tónlist eða sambærileg hæfni.

Heimilt er að veita inngöngu í skólann þeim umsækjendum sem búa yfir þekkingu og reynslu sem telst fullnægjandi undirbúningur til bakkalárnáms við skólann.

Umsækjendur sem ekki uppfylla almenn inntökuskilyrði geta sótt um undanþágu hafi þeir lokið t.d. fjölmörgum einingum á framhaldsskólastigi, lokið öðrum lokaprófum svo sem á 4. hæfniþrepi eða hafa annan undirbúning sem getur undirbúið viðkomandi undir nám á háskólastigi á viðkomandi námsleið. Umsóknir um undanþágu frá almennum inntökuskilyrðum eru metnar af fagaðilum innan viðkomandi deildar. Niðurstaða mats á undanþáguumsóknum er endanleg. Við mat á umsóknum er horft til samverkandi þátta með tilliti til einkunna í námi á framhaldsskólastigi, menntunar í listgreinum, frekari menntunar, starfsreynslu og þátttöku í félagsstörfum. Hvert tilfelli er skoðað sérstaklega og getur samspil þessara þátta haft áhrif á niðurstöðu. Umsækjendur eru hvattir til að gera grein fyrir öllu því sem þeir telja geta orðið umsókn sinni um undanþágu frá almennum inntökuskilyrðum til framdráttar.

Inntökunefndir meta umsóknir á grundvelli innsendra gagna auk viðtala og/eða inntökuprófa á þeim sviðum sem við á. Deildarforseti skipar inntökunefnd fyrir hverja námsleið í samráði við fagstjóra og vinna inntökunefndir eftir verklagsreglum sem kynntar eru umsækjendum.