Listaháskóli Íslands býður skapandi einstaklingum að kanna nýjar leiðir, þróa hæfileika sína og verða hluti af lifandi samfélagi listamanna og fræðafólks. Á þessari síðu má finna helstu upplýsingar um námið, umsóknarferlið og stuðning við umsækjendur sem hjálpa þér að stíga næsta skref í átt að listnámi við LHÍ. Við hvetjum umsækjendur til að kynna þér vel allar upplýsingar hér fyrir neðan.
Hvernig vel ég nám?
Að velja nám við Listaháskóla Íslands er ferðalag sem byrjar löngu áður en umsóknin er send inn. Fyrst þarf að skoða eigin áhuga og skapandi styrkleika: laðar þig að sviðslistum, tónlist, kvikmyndalist, myndlist, arkitektúr eða hönnun. Hver deild hefur sína sérstöðu, námsaðferðir og faglega nálgun, þannig að gott er að kynna sér námsleiðirnar vel, lesa um verkefni nemenda og jafnvel sækja opna daga eða sýningar. Þegar þú hefur fundið námsleið sem talar til þín er næsta skref að skoða inntökuskilyrði, hvort sem það eru inntökupróf, ferilmappa/portfolio eða viðtöl. Mikilvægt er að gefa sér tíma til að undirbúa umsóknina, safna verkum sem endurspegla þína rödd og hugmyndir og sýna hvernig þú hugsar sem skapandi einstaklingur. Að lokum skiptir máli að treysta eigin innsæi: velja nám sem kveikir forvitni, áskorun og gleði, því það er grunnurinn að góðu námi í skapandi greinum.
Leiðbeiningar um umsóknarferli
Umsóknarferlið í Listaháskóla Íslands er hannað til að gefa umsækjendum tækifæri til að sýna skapandi hæfileika sína og faglegan metnað. Fyrsta skrefið er að kynna sér vel þá námsleið sem þú hyggst sækja um, þar sem hver deild hefur sín sérstöku inntökuskilyrði og matsaðferðir. Þegar umsóknarfrestur opnar skráir þú þig inn á umsóknargátt skólans á Uglu og fyllir út rafræna umsókn, þar sem þú skilar inn öllum nauðsynlegum gögnum—til dæmis ferilmöppu, verkefnum, hljóð- eða myndupptökum, eða skriflegum textum, eftir því hvað námið krefst. Mikilvægt er að fylgja leiðbeiningum nákvæmlega, bæði um efni og tæknilegar kröfur, svo umsóknin komist í rétt mat.
Eftir að umsókn hefur verið send inn fer hún í faglegt mat hjá inntökunefnd innan viðkomandi deildar. Í sumum námsleiðum er umsækjendum boðið í viðtal eða jafnvel látin gera inntöku verkefni þar sem þeir fá tækifæri til að útskýra hugmyndir sínar, vinnuferli og áherslur. Að lokum færðu formlegt svar frá skólanum þegar niðurstöður liggja fyrir. Umsóknarferlið getur verið krefjandi, en með góðum undirbúningi og skýrum persónulegum markmiðum getur það orðið skapandi og uppbyggjandi reynsla sem hjálpar þér að stíga næsta skref í listnámi.
Raunfærnimat
Raunfærnimat hefur það markmið að auðvelda fólki á vinnumarkaði sem hefur starfsreynslu að stunda nám og afla sér réttinda á skemmri tíma. Þannig er betur hægt að mæta þörfum samfélagsins og vinnumarkaðarin
Skóladagatal
Skóladagatal Listaháskóla Íslands heldur utan um alla helstu dagsetningar innan skólans.
Gjaldskrá
Hér koma allar upplýsingar varðandi, skrásetningargjald, umsóknargjald og skólagjöld nemenda utan EES.
Spurningar um þetta efni?
Hafðu samband við skrifstofu skólans og við komum fyrirspurninni til réttrar deildar eða sviðs.