Artist: Irene Hrafnan, 2nd year MA Fine Art student

Sum rými byrja ekki; þau halda áfram.

TRANSLATIONS / TILLÖGUR er viðleitni til að skoða sýningarsalinn sem rými þar sem tungumál er ekki bundið við orð, heldur birtist sem strúktúr, flokkun og rýmisleg aðlögun.

Sýningin leggur til að rýmið sé ekki hlutlaust ílát heldur ferli; þýðing úr einu ástandi í annað. Ekkert frumrit er tiltækt. Aðeins útgáfur. Speglanir án fyrirmyndar. Endurtekningar án uppruna. Engin skrá yfir fyrsta tilvik er til. Aðeins vissan um að önnur útgáfa muni fylgja.

Í rýminu heldur innsigluð hurð áfram að skipuleggja hreyfingu og stoðir búa sig undir álag sem er ekki lengur til staðar. Fjarlægðir eru mældar. Athygli er hljóðlega úthlutað. Hlutverk eru ákveðin.
Hér er tungumál nálgast sem kerfi væntinga; taktur, bil, hliðrun. Merking býr hvorki í hlutum né staðhæfingum; hún verður til milli forma. Hún er spenna, tengsl, misræmi. Hún birtist ekki sem yfirlýsing heldur sem dreifing.

Rýmið er í þýðingu. Líkaminn les áður en heilinn útskýrir. Heilinn flokkar áður en líkaminn samþykkir. Orð sem er ósagt mótar samt munninn. Hljóð sem ekki heyrist fyllir samt rýmið. Herbergið þýðir þig þegar þú hreyfir þig í gegnum það. Að horfa er ekki einkamál.

Í þessari sýningu verður rýmið vettvangur samninga; milli líkama og tungumáls, milli skynjunar og strúktúrs, milli þess sem fer í gegn og þess sem situr eftir. Fjarvera er ekki tómarúm heldur skilyrðið sem þar sem allt mætist.

Verk Irene Hrafnan byggja oft á rannsóknum á stað, sem og hverfulleika og óstöðugleika skjalasafna. Út frá áhuga á kerfum, minni og flokkunarstrúktúrum skoðar hún hvernig efni, sögur og merkingar reka til, eru sett saman á ný eða veita viðnám við varðveislu. Nýleg verk hennar skoða tungumál umfram orð og nálgast merkingu sem rýmislegt, líkamlegt og tengslabundið fyrirbæri. Hún skoðar hvernig túlkun mótast af strúktúr, takti, úthlutun og fjarveru, og hvernig skilningur breytist þegar hann færist milli líkama, kerfa og samhengis. Með lágstemmdum inngripum og spekulatívum aðferðum byggir Irene upp breytilega ramma sem beina sjónum að líkamlegri athöfn þess að rekja það sem ekki er lengur staðsetjanlegt. Verk hennar takast á við óskilgreinda nærveru; plöntur, byggingar, hluti og tungumálaleg form á mörkum sýnileika og flokkunar; og kalla fram aðrar leiðir til að skynja.

Opening: February 27th from 16.00 to 18.00

Other opening times:
Open March 2nd, 5th & 6th from 12:00-15:00.

Location: Hulduland, LHÍ, Laugarnesvegur 91, 105 Reykjavík.