Sjónlína // Nóam Óli Stefánsson

Þegar lagst er niður snýst heimurinn á hlið.
Við liggjum eins og sjóndeildarhringurinn.
Hver einasti dagur hefst í þessari stöðu og endar.
Bakgrunnurinn dregst fram á sjónarsviðið.
(Hefurðu tekið eftir því hvernig gólfið verður að persónu þegar staðið er á haus?)
Við leggjumst opinberlega niður í skiptum fyrir nýtt sjónarhorn.
(Mesta traustið felst í því að sofa við hlið einhvers.)
Við missum stjórn á því hvernig við birtumst öðrum þegar við liggjum (sofum).

Í þátttökuverkum sínum leikur Nóam Óli með gjörðir, hreyfingu og inntak frekar en efni og umgjörð. Í innsetningum hans eru áhorfendur hvattir til að prófa sig áfram, snúa sér á hlið, snerta og leita af nýjum leiðum til að sjá og skynja.