Rússnesk rómantík í hádeginu

Miðvikudaginn 23. september kl. 12:15 munu söng- og píanónemendur á klassískri flytjendabraut tónlistardeildar Listaháskóla Íslands halda hádegistónleika þar sem flutt verða nokkur af fegurstu sönglögum rússneska tónskáldsins Sergei Rachmaninov.

Tónleikarnir eru afrakstur kröftugs daga námskeiðs þar sem nemendur hafa unnið með túlkun og flutning undir umsjón Alexöndru Chernyshovu, sópransöngkonu.

Áheyrendur mega búast við fallegri tónleikastund.

Tónleikarnir fara fram í Dynjanda, sal tónlistardeildar LHÍ að Skipholti 31.

Aðgangur er ókeypis og öll eru hjartanlega velkomin.

Viðburður á Facebook →