Leiðarstjarna // Ísak Sævarsson

Ég veit eina stjörnu … en sama hvað ég reyni að nálgast hana virðist hún rétt utan seilingar.

Hún hefur gert mig meðvitaðan um tómarúmið í brjósti mér, ég hugsa að hún gæti fyllt fullkomlega upp í það.

Hverju ert þú tilbúinn til að fórna fyrir þína eigin stjörnu?

—

Leiðarstjarna er stop-motion hreyfimynd eftir Ísak Sævarsson með handgerðum brúðum, leikmynd og leikmunum eftir hann. Tónlistin er eftir Atla Arnarsson.

—

Ísak hefur ávallt sýnt handverki mikið dálæti og vinnur með ull, málma, leir, gler og önnur efni og notar ólíka miðla eins og teikningar, skúlptúr, innsetningar, dans, myndbönd, gjörninga – og nú “stop-motion” hreyfimyndagerð. Í verkum hans má oft finna ólík eða mótsagnakennd element eins og mýkt og hörku, ljós og myrkur, fegurð og ljótleika og og andstæðurnar sem skapast þar á milli.