Vel heppnaður Háskóladagur í Reykjavík

Háskóladagurinn tókst sérstaklega vel til í ár og var dagurinn mjög vel sóttur.

Listaháskólinn bauð áhugasömum í húsnæði LHÍ að Laugarnesvegi 91 þar sem boðið var upp á tónleika, sýningar, opna tíma í leiktúlkun, bíó, leiðsagnir um húsnæðið og margt fleira. Nemendur, kennarar og starfsfólk LHÍ kynntu námsframboð og áttu í samtölum við framtíðar umsækjendur um það sem kveikti áhuga þeirra.

Listaháskólinn þakkar öllum fyrir komuna og minnir á að Háskóladagurinn verður haldinn á Egilsstöðum 7. mars, Akureyri 8. mars og Ísafirði 13. mars.

Umsóknarfrestur um BA nám og alþjóðlegar meistaranámsbrautir er 12. apríl og í listkennsludeild og á meistaranámsbraut í söng- og hljóðfæraleik er 13. maí.