Hönnunarverðlaun Íslands verða afhent við hátíðlega athöfn í Grósku fimmtudaginn 6. nóvember 2025. Verðlaunin eru veitt fyrir framúrskarandi verk á sviði hönnunar og arkitektúrs sem stuðla að lífsgæðum, sjálfbærni og verðmætasköpun fyrir samfélagið.

Tilnefnt er í þremur flokkum: Vara, Staður og Verk, og í hverjum flokki eru þrír aðilar tilnefndir. Verkefnin endurspegla fjölbreytileika og gæði íslenskrar hönnunar í dag – frá nýsköpun í efnisnotkun til samfélagslegra lausna og upplifunarhönnunar.

Tilnefningar 2025:

  • Vara:
    • Oase– vatnsílát úr leir eftir Johönnu Seelemann
    • FÉ– fatalína úr íslenskri ull frá RANRA
    • Elja– fjallahjól frá Lauf Cycles
  • Staður:
    • Félagsbústaðir á Sjómannaskólareit
    • Elliðaárstöð í Elliðaárdal
    • Stöng – (Endur)túlkun yfirbygging yfir uppgröft í Þjórsárdal
  • Verk:
    • Lavaforming– rannsókn á nýtingu hrauns í byggingarhönnun
    • Dýpi– plastlaus málning úr kalkþörungum
    • Fischersund– skynverk sem sameinar ilm, tónlist og myndlist

Auk aðalverðlaunanna verða veitt Heiðursverðlaun Hönnunarverðlauna Íslands og viðurkenning fyrir bestu fjárfestingu í hönnun.

Hægt er að skrá sig á viðburðinn Hér