Sérverkefnavika í tónlist

Sérverkefnavika í tónlistardeild Listaháskóla Íslands fór fram í síðustu viku og tókst með eindæmum vel. Nemendur fengu tækifæri til að vinna með kennurum og gestakennurum að fjölbreyttum verkefnum sem víkka sjóndeildarhring þeirra í tónlistarsköpun og flutningi.
Vikan endaði á uppskeruhátíð á föstudag þar sem gestir fengu smjörþefinn af því sem nemendur höfðu lært í vikunni, þar sem þrennir tónleikar gáfu innsýn í fjölbreytt og skapandi starf nemenda.

Á námskeiðinu Brú milli tveggja heima, fluttu nemendur rytmísku deildar íslensk þjóðlög í austrænum búningi og tónlist eftir Ásgeir J. Ásgeirssonar undir áhrifum heimstónlistar. Eftir það sýndu nemendur nýmiðlunar innsetningar og gjörninga víðs vegar í Skipholti undir handleiðslu Jespers Pedersen.

Þá sameinuðust nemendur á fyrsta ári í tónsmiðju undir tilsögn Óskars Guðjónssonar og Steindórs Grétars Kristinssonar og nemendur í söngnámsleið LHÍ fengu námskeið í óperuspuna undir leiðsögn Söru Wilén frá Tónlistarháskólanum í Malmö (Lund University).

Það má með sanni segja að sérverkefnavikan tókst með glæsibrag og gaf skýra mynd af því skapandi og lifandi starfi sem fer fram innan tónlistardeildar Listaháskóla Íslands.