Listaháskólinn býður uppá raunfærnimat í grafískri hönnun og fatahönnun

*Nú er tækifæri til að skoða möguleika á að fá reynsluna metna til styttingar náms í gegnum raunfærnimat*

Raunfærnimat hefur það markmið að auðvelda fólki á vinnumarkaði sem hefur starfsreynslu að stunda nám og afla sér réttinda á skemmri tíma. Þannig er betur hægt að mæta þörfum samfélagsins og vinnumarkaðarins.

Hvers vegna að sækja um? 

• Fáðu einingar fyrir raunverulega reynslu
• Styttu námstímann
• Minnkaðu námsálagið

Í hvaða námskeiðum er hægt að sækja um raunfærnimat í grafískri hönnun:  

• Mörkun 5 ECTS

Í hvaða námskeiðum er hægt að sækja um raunfærnimat í fatahönnun: 

• Tískuteikning 2,5 ECTS
• Prufusaumur og frágangur (hluti úr námskeiðinu Klæðskurður I) 2 ECTS

Skilyrði fyrir umsókn um raunfærnimat: 

• Nemandi í grunnnámi í Listaháskólanum
• 25 ára eða eldri
• Þriggja ára samfelld starfsreynsla í faginu
• Starfsreynsla vottuð af vinnuveitanda

Ef þú telur þetta eigi erindi við þig máttu endilega hafa samband við náms- og starfsráðgjafa.

Hvernig þetta virkar: 

• Þú fyllir út skimunarlista til að meta eigin færni í tengslum við raunfærnimatið
• Þú sendir inn ferilskrá, skimunarlista og vottorð frá vinnuveitanda
• Þegar gögn hafa verið staðfest ferðu í viðtal hjá náms- og starfsráðgjafa
• Að lokum færðu boð um að koma í viðtal hjá matsaðila

Umsóknarfrestur er til og með 22. júní 2025. 

Nánari upplýsingar má fá hjá náms- og starfsráðgjafa í Listaháskólanum

Ragnhildur Ísleifs Ólafsdóttir, namsradgjof@lhi.is.

Ljósmynd: Owen Fiene