Lovísa Elísabet Sigrúnardóttir (Lay Low) heldur fyrirlestur um tónlistarferil sinn í málstofu laga- og textasmiða föstudaginn 4. maí kl. 15-17. Fyrirlesturinn fer fram í Skipholti 31, stofu 633. Öll velkomin!
Útskriftartónleikar Þráins Þórhallsssonar tónsmíðanema við tónlistardeild LHÍ fara fram í Salnum í Kópavogi þriðjudaginn 15. maí klukkan 18.
Aðgangur ókeypis og allir hjartanlega velkomnir.
Á tónleikunum verða flutt þrjú verk, fyrstu tvö verkin eru eldri verk en síðasta er lokaverkefni Þráins frá LHÍ þaðan sem hann útskrifast með BA-gráðu í tónsmíðum nú í vor.
Efnisskrá:
Tónleikar í Salnum í Kópavogi sunnudagskvöldið 6. maí klukkan 20.
Una Sveinbjarnardóttir, CAPUT-hópurinn og Hljómeyki frumflytja verk eftir Ásbjörgu Jónsdóttur, Sohjung Park, Steingrím Þórhallsson og Veronique Jacques sem öll útskrifast í vor frá tónlistardeild LHÍ þar sem þau hafa lagt stund á mastersnám í tónsmíðum.
Aðgangur ókeypis og allir velkomnir.
Efnisskrá:
Útskriftartónleikar Steingríms Þórhallssonar frá tónlistardeild Listaháskóla Íslands fara fram í Neskirkju, sunnudaginn 13. maí klukkan 17. Þar verður verk hans Hulda fyrir sópran, kór, barnakór og hljómsveit frumflutt en verkið byggir Steingrímur á ljóðum Huldu (Unnar Benediktsdóttur Bjarklind). Að auki verður Konsert fyrir fiðlu og hljómsveit eftir Beethoven fluttur á tónleikunum. Sinfóníuhljómsveit áhugamanna leikur undir stjórn Oliver Kentish, einleikari er Hulda Jónsdóttir, fiðluleikari.
Saga er útskriftarverk Stefáns Ólafs Ólafssonar í tónsmíðanámi við Tónlistardeild Listaháskóla Íslands og verður flutt í Mengi við Óðinsgötu, sunnudagskvöldið 13. maí klukkan 21.
Saga er ópera í einum þætti fyrir tvo flytjendur, rafhljóð og libretto framkallað með Markov-keðjum.
„Saga“ getur staðið fyrir ýmsa hluti. Tölvurnar gefa okkur hins vegar ekkert samhengi.
Hvað vilja tölvurnar segja við okkur og hvernig ber að skilja það?
Flytjendur eru:
Gylfi Guðjohnsen – frummælandi
Friðrik Margétar-Guðmundsson – engill
BiLokatónleikar Birgit Djupedal, mastersnema í tónsmíðum við Listaháskóla Íslands, fara fram í Kirkju Óháða safnaðarins, Háteigsvegi 56, 16. maí klukkan 20. Á tónleikunum verða flutt ýmis verk sem Birgit hefur samið í mastersnáminu undir leiðsögn Hróðmars I. Sigurbjörnssonar.
Laugardaginn 28.apríl, klukkan 21:00, er þér boðið á útskriftartónleika Ingu Magnesar Weisshappel, en hún útskrifast með BA gráðu í tónsmíðum frá Listaháskóla Íslands nú í vor.
Þriðjudaginn 8.maí klukkan 20 fara útskriftartónleikar Hafsteins Þráinssonar fram í Salnum í Kópavogi en hann útskrifast með BA-gráðu í tónsmíðum frá Listaháskóla Íslands í vor. Aðgangur ókeypis og allir velkomnir.
Málstofa með Guðmundi Steini Gunnarssyni, tónskáldi, á vegum tónlistardeildar LHÍ, föstudaginn 13. apríl frá 12:45 til 14:30. Málstofan fer fram í stofu 633 (Fræðastofu I) í Skipholti 31. Allir velkomnir og aðgangur ókeypis.
