Automatic translation by Google Translate.We cannot guarantee that it is accurate.
Skoða vefinn á ÍslenskuTónsmíðar BA
Tónsmíðanám í LHÍ er fjölbreytt námsleið sem miðar að því að mennta nemendur í því helsta sem lýtur að tónsmíðaaðferðum- og tækni samtímans. Öflugt, nútímalegt og framsækið nám.
Information is provided in Icelandic for study programmes that have Icelandic as the primary language of instruction.
Um námið
Í tónsmíðanáminu við Listaháskóla Íslands eru tvær meginleiðir í boði: hljóðfæratónsmíðar og nýmiðlatónsmíðar. Í báðum tilfellum er sjónum beint að tónsmíðaaðferðum 20. og 21. aldar, þó með viðspyrnu í í hefðbundinni tón- og hljómfræði. Tónsmíðanemendur eru hvattir til að vinna náið með samnemendum og hljóðfæra- og söngnemendum deildarinnar, og það samstarf kristallast á brautartónleikum sem haldnir eru í lok hverrar annar. Þá er boðið upp á nána samvinnu með nemendum annarra deilda Listaháskólans, t.d. í fjölbreyttum verkefnum sviðshöfunda, leikara og dansara.
Uppbygging náms
Tónsmíðar eru þriggja ára bakkalárnám (BA). Í hljóðfæratónsmíðum liggur hefðbundin nótnaritun til grundvallar. Nemendur læra hljómfræði, tónbókmenntir og hljóðfærafræði en er jafnframt gefin innsýn í nýja hljóðfæratækni og heim raftónlistar. Fræðaáfangar endurspegla fjölbreytt tónmál, tónsmíðatækni og hugmynda- og fagurfræði 20. og 21. aldar. Ennfremur er nemendum boðið upp á að velja námskeið í tónsmíðum nýmiðla og annarra deilda skólans. Þegar á námið líður gefst einnig gefst möguleiki á að semja fyrir, og vinna með, kór skólans og atvinnutónlistarfólki sem sérhæft hefur sig í flutningi nýrrar tónlistar. Nemendum býðst einnig að semja fyrir Sinfóníuhljómsveit unga fólksins.
Í nýmiðlatónsmíðum læra nemendur undirstöður hljóðhönnunar, hljóðfræði og tónlistarforritunar. Jafnframt eru ólíkir möguleikar í ritun, gagnvirkni og miðlun tónlistar rannsakaðir. Í hóptímum og einkatímum tónsmíða er lögð áhersla á tónsmíðaaðferðir raf- og tölvutónlistar, tilraunatónlistar og aðferðir þvert á listgreinar.
Að loknu námi
Náminu í tónsmíðum er ætlað að veita nemendum nauðsynlega undirstöðu til að sækja áframhaldandi nám á meistarastigi jafnt við Listaháskóla Íslands sem erlenda háskóla. Þá geta nemendur sem kjósa að einbeita sér að kennslu innritast í meistaranám í listkennslu við LHÍ (M.Ed).
Umsóknar- og inntökuferli
Umsókn um nám í Listaháskóla Íslands er fyllt út í umsóknargátt
Umsóknarferlið er í tveimur skrefum: í fyrra skrefinu er umsóknin fyllt út með fylgigögnum og umsóknargjald er greitt. Seinna skrefið er inntökuferli.
Opnað fyrir umsóknir
10. febrúar 2025
Umsóknarfrestur
8. apríl 2025
Umsóknum svarað
Maí / júní 2025
Verðskrá
Leiðbeiningar
Eftirfarandi fylgiskjöl skulu fylgja umsókn bakkalárnáms í tónsmíðum:
-
1. Kynningarbréf
SkyldaÍ kynningarbréfi tekur umsækjandi meðal annars fram hver er hvati umsóknar í viðkomandi námsleið, og hvernig umsækjandi sér fyrir sér að nýta námið.
-
2. Ferilmappa
SkyldaUmsækjendur um nám í tónsmíðum skulu skila inn rafrænni ferilmöppu sem hlaðið er upp inní umsóknargáttinni. Umsækjendur í hljóðfæratónsmíðar skila inn tónlist á nótum auk hljóðdæma þar sem það á við. Nýmiðlar þurfa einungis að skila hljóðdæmum. Einnig skal fylgja stutt skrifleg lýsing á verkferlum/tónsmíðaaðferðum og innblæstri sem liggja bakvið hljóðdæmin.
-
3.Prófskírteini
skyldaUmsækjendur eru beðnir um að skila inn staðfestu afriti af prófskírteini úr framhaldsskóla auk námsferilsyfirliti úr tónlistarskóla ef það á við.a) Skannið frumrit af prófskírteinum og hengið við umsókn eðab) Fáið staðfest afrit af prófskírteinum með stimpli frá viðkomandi skóla, skannið og hengið við umsókn.c) Fáið staðfest afrit af undangengnu tónlistarnámi ef við á (afrit af nýjasta stigsprófi sem þreytt hefur verið) með stimpli frá viðkomandi skóla, skannið og hengið við umsókn. -
4. Tenglar
Umsækjendur geta sent inn tengla af tónlist og tónlistarflutningi.
Inntökuferli
Inntökuferlið er í eftirfarandi þrepum:
-
1. Stöðupróf í tónfræðigreinum / tækniviðtal
SkyldaHljóðfæratónsmíðar
Umsækjendur í hljóðfæratónsmíðar eru boðaðir í stöðupróf í tónfærðigreinum. Stöðuprófin fara fram 2.maí 2025. Sýnishorn af stöðuprófum í tónfræðigreinum má nálgast hér að neðan.
Nýmiðlar
Umsækjendur í nýmiðla eru boðaðir í tækniviðtal sem fara fram dagana 23.-25. apríl 2025. Tækniviðtöl eru vettvangur til að sýna fram á verklega stöðu umsækjanda hvað varðar kunnáttu og hæfni í hljóðvinnslu og reynslu af vinnu í hljóðveri.
-
2. Inntökuviðtal
Viðtöl valdra umsækjenda fara fram 30. apríl 2025.
-
3. Niðurstöður kynntar
Niðurstöður umsóknarferlis kynntar og svarbréf til umsækjenda send í maí/júní 2025.
inntökuskilyrði
Inntökuskilyrði eru ekki þau sömu fyrir hljóðfæratónsmíðar og nýmiðla en umsækjendur beggja námsleiða þurfa að hafa lokið stúdentsprófi eða sambærilegu námi.
-
Sértæk inntökuskilyrði hljóðfæratónsmíða
SkyldaAuk stúdentprófs er miðað er við að umsækjendur séu að minnsta kosti með miðpróf í tónfræði, en kunnátta er einnig metin með stöðuprófum.
-
Sértæk inntökuskilyrði nýmiðla
SkyldaAuk stúdentprófs er gerð er krafa um kunnáttu á hljóðvinnslu sem verður metin í tækniviðtölum.
-
Undanþágur
Listaháskólanum er heimilt að veita inngöngu í skólann umsækjendum sem búa yfir þekkingu og reynslu sem telst fullnægjandi undirbúningur til bakkalárnáms við skólann. Þó er við það miðað að umsækjendur hafi lokið eigi færri en 105 einingum úr eldra kerfi framhaldsskólastigsins eða 150 framhaldsskólaeiningum samkvæmt nýja kerfinu.
Á döfinni í tónlistardeild
Fréttir og viðburðir
