Í fyrirlestri sínum fjallar Terike Haapoja um eldri og yfirstandandi verkefni sín um samlíf fjöltegunda, dýrsleika og andkapítalíska stjórnmálahugsun. Í yfir tuttugu ár hefur Haapoja rannsakað mannmiðlægni vestrænnar menningar í innsetningum sínum, skrifum og samstarfsverkefnum. Hún vinnur nú að langtíma rannsóknarverkefninu Against Animal Capitalism, sem leitast við að leggja grunn að vinstri stjórnmálum fjöltegunda, sem og verkefni um söng (allra lifandi vera) sem vistfræðilega mótspyrnu.
——–
www.terikehaapoja.net
www.animalcapitalism.org
——–
Terike Haapoja er þverfaglegur myndlistarmaður með aðsetur í Berlín. Stórar innsetningar hennar, skrif og samstarfsverkefni kanna möguleika á ofbeldislausu samlífi þvert á bakgrunn og ágreining, með sérstaka áherslu á fjöltegundastjórnmál. Verk Haapoja eiga rætur í umhverfishugsun og sækja innblástur í gagnrýnar dýrafræðirannsóknir og pósthúmanisma, með snertifleti við femíníska og póstnýlendufræðilega orðræðu, sem gagnrýna formgerðir útilokunar sprottnar úr vestrænum húmanisma.
Haapoja vinnur nú að langtímaverkefninu Animal Capitalism, sem miðar að því að byggja grunn að vinstri fjöltegunda stjórnmálum. Hún er meðritstjóri sjö rita um list og stjórnmál/umhverfi, og verk hennar hafa verið sýnd víða á alþjóðlegum einka- og samsýningum. Haapoja var fulltrúi Finnlands á 55. Feneyjatvíæringnum með einkasýningu í Norræna skálanum, og verk hennar hafa hlotið fjölda viðurkenninga, þar á meðal Guggenheim-styrk (2022), ANTI-verðlaunin fyrir gjörningalist (2016), Listaverðlaun finnska ríkisins (2016), Dukaatti-verðlaunin (2008), Säde-verðlaunin (2009) og heiðursviðurkenningu sem listamaður ársins á Finnlandshátíðinni (2007). Samstarfsverkefnið Gustafsson & Haapoja hlaut einnig finnsku ríkisverðlaunin fyrir miðlalist (2016) og Kiila-verðlaunin (2013).