Automatic translation by Google Translate.We cannot guarantee that it is accurate.
Skoða vefinn á Íslensku
Eftir að hafa þurft að fresta fyrri sýningu mun afrakstur barokkóperunámskeiðisins loks koma á svið!
——
Barokkóperunámskeiði tónlistardeildar sýnir óperuharmleikinn Céphale et Procris í Dynjanda fimmtudaginn 12. mars kl. 16:00.
——
Barokkóperunámskeiði tónlistardeildar sýnir óperuharmleikinn Céphale et Procris í Dynjanda fimmtudaginn 12. mars kl. 16:00.
Aðgangur er ókeypis og öll hjartanlega velkomin.
Efnisvalið að þessu sinni er óperan Céphale et Procris eftir Jacquet de la Guerre. Óperan í heild sinni er yfir þrjár klukkustundir í flutningi, en hópurinn mun flytja valda kafla og jafnframt leitast við að koma sögunni í heild sinni til skila.
Leikstjóri og dramatúrg er Ólöf Ingólfsdóttir og tónlistarstjóri er Sigurður Halldórsson.
Óperan Céphale et Procris eftir Jacquet de la Guerre er í heild sinni yfir þrjár klukkustundir í flutningi, en hópurinn mun flytja valda kafla og jafnframt leitast við að koma sögunni í heild sinni til skila. Leikstjóri og dramatúrg er Ólöf Ingólfsdóttir og tónlistarstjóri er Sigurður Halldórsson.
Óperan Céphale et Procris er harmleikur í fimm þáttum með allegórískum formála. Líbrettóið, eftir franska leikskáldið Joseph-Francois Duché de Vancy (1668-1704), er lauslega byggt á þáttum úr goðsögninni um Cephalos og Procris eins og hún er sögð í frásagnarljóði Óvídíusar, Metamorphoses, þótt de Vancy hafi einnig bætt við nokkrum eigin aukasöguþráðum. Megingoðsögnin segir frá örlögum grískra elskenda sem eru reknir til blindrar hefndar af samsæri öfundsjúkra og ástarsamra guða: Céphale drepur óvart Procris, sannfærður um að hún sé honum ótrú, og í óendanlegri sorg sinni tekur hann eigið líf.
Einhverjar vísbendingar eru um að óperan hafi verið skrifuð árið 1691, eða allt að fjórum árum fyrr, það er að segja þegar Jacquet de la Guerre var á aldrinum 22 til 26 ára. Óperan var fyrst sett upp af Parísaróperunni á sviði Académie Royale de Musique í Théâtre du Palais-Royal þann 17. mars 1694. Kenningar eru um að seinkun á uppfærslunni gæti stafað af einokunarstöðu Lullys í óperuflutningi við hirð Loðvíks 14. Þ.e.a.s. að Céphale et Procris hafi þess vegna verið sett á svið eftir að einokun Lullys rann sitt skeið.
(Heimild: Ensemble OrQuesta, East Sussex)
