Nálgunin er sjónræn og ég leitast við í minni listsköpun að hafa áhrif gegnum líkamann og skapa eigið sjónrænt tungumál. Hver sem miðillinn er, þá er hann hugsaður sem samskiptaleið til áhorfenda. Viðfangsefnið er gjarnan handan tungumálsins, og fjallar um blæbrigði tilfinninga og allt þetta flókna sem gerist í mannlegum samskiptum. Með því að skapa rými þar sem er pláss fyrir það viðkvæma og ófullkomna, er ósjálfrátt gefið visst leyfi. Á tímum yfirborðskenndra samfélagsmiðla, falsfrétta og gervigreindar, langar mig að birta mennskuna í allri sinni óræðu dýrð. Listin getur þannig verið vettvangur til að dvelja með sínum eigin óþægindum gegnum speglun. Boð sem má þiggja eða hafna.

//

The approach is visual and I seek to create a visceral reaction and create my own visual language. Whatever the medium, it serves as a way to communicate with the audience. The subject matter often lies beyond language, addressing the nuances of emotions and all the complexity that happens in human interaction. By making space for the vulnerable and imperfect, a certain permission is granted. In today’s age of the superficial social media, fake news and artifical intelligence, my desire is to illuminate humanity in its irrational glory. In this way, art can become a space to dwell within one’s own discomfort through reflection. An offer that can either be denied, or accepted.
——–

Sýningin er partur af einkasýningaröð BA nemenda á þriðja ári í myndlist sem fara fram á tímabilinu 25. september – 27. nóvember 2025.

Einkasýningar nemenda er liður í námskeiðinu Vinnustofur prófessora í umsjón Sirru Sigrúnar Sigurðardóttur. Kennarar Hekla Dögg Jónsdóttir og Styrmir Örn Guðmundsson.

Nánari upplýsingar um einkasýningaröðina má finna HÉR.