Victoria Rachel

Það að flytja frá Mexíkó til Íslands tíu ára gömul hafði mikil áhrif á mig. Ég gat klætt mig öðruvísi og mátti hegða mér á annan hátt en ég var vön í strangtrúuðu samfélagi.

Ég upplifði togstreitu og ýmsar spurningar vöknuðu varðandi eigið siðferði, gildi og trú. En hvernig hefði þetta verið ef ég hefði ekki orðið fyrir svo miklum áhrifum af þessari þekktu kvenímynd, Maríu mey?

Táknmynd hreinleika og hógværðar. Línan er feminísk yfirlýsing, hún gefur Maríu loksins fullkomið vald yfir eigin líkama. Þetta frelsi er undirstrikað með notkun ólíkra efna þar sem líkami Maríu fær að sjást og sótt er í ríkulegan táknheim kaþólsku kirkjunnar við hönnun á prenti. 