Automatic translation by Google Translate.We cannot guarantee that it is accurate.
Skoða vefinn á Íslensku
Nemendur LHÍ með stuttmyndir á þremur alþjóðlegum kvikmyndahátíðum í haust
Nemendur Kvikmyndalistadeildar Listaháskóla Íslands koma víða við á alþjóðlegum kvikmyndavettvangi í haust. Stuttmyndir þeirra verða sýndar á RIFF – Alþjóðlegu kvikmyndahátíðinni í Reykjavík, á Nordisk Panorama í Malmö og á Nordic Talents í Kaupmannahöfn.
RIFF – Alþjóðlega kvikmyndahátíðin í Reykjavík
(25. september – 5. október)
Á RIFF verða eftirfarandi stuttmyndir nemenda sýndar í keppnisflokknum Íslenskar stuttmyndir
Gullna Reglan
Leikstjórn og handrit: Telma Huld Jóhannesdóttir
Regluföst eldri kona sem vinnur á
bæjarskrifstofu fyllist bræði og brýtur
allar reglur þegar hún kemst að því að
framkvæmdir eru hafnar án þess að
byggingarleyfisumsókn hafi verið samþykkt.
Óð
Leikstjórn: Alfreð Hrafn Magnússon,
Handrit: Telma Huld Jóhannesdóttir
Gunnar og Aldís eru á leið í rómantíska
sveitaferð þegar þau verða vör við að einhver veitir þeim eftirför.
Sara
Leikstjórn og handrit: Steinar Þór Kristinsson
Þegar heimilishundurinn deyr þurfa feðgar
að grafa gröfina.
Marteinn
Leikstjórn: Brynjar Leó Hreiðarsson
Handrit: Hanna Hulda Hafþórsdóttir
Markþjálfinn Marteinn gerir allt sem hann
getur til að hjálpa óánægðum kúnna að
eignast vini.
Í flokknum Íslenskar nemastuttmyndir
Á milli línanna
Leikstjórn: Luis Carlos Aleman Furlan
Handrit: Elizabeth Karen Guarino
Blær, ungt og ástríðufullt leikskáld, er undir
miklu álagi við að setja upp frumverk sitt. Þegar Rósa, fyrrum vinkona hennar, kemur í áheyrnarprufu fyrir aðalhlutverkið fer línan á milli listar og lífs að þynnast og gömul sár rifjast upp
Nordisk Panorama
18.–23. september í Malmö
Á hátíðinni, sem helguð er norrænum stutt- og heimildamyndum, er stuttmyndin Sara eftir Steinar Þór Kristinsson (sjá hér að ofan) tilnefnd til verðlauna í flokknum Best Nordic Short Film.
Nordic Talents (september, Kaupmannahöfn)
Nordic Talents er árleg samkeppni fyrir nýútskrifaða kvikmyndagerðarnema á Norðurlöndunum. Markmið viðburðarins er að skapa vettvang til að efla tengslanet og samstarf meðal fagfólks á sviði kvikmyndagerðar.
Í ár tók Signý Rós Ólafsdóttir, nýútskrifuð úr Kvikmyndalistadeild LHÍ, þátt með verkefnið Ertu Guð, Afi? byggt á samnefndri barnabók Þorgríms Þráinssonar. Verkið var meðal tíu verkefna sem valin voru til þátttöku að þessu sinni.
LHÍ á RIFF
Auk nemenda eru fulltrúar úr hópi kennara Kvikmyndalistadeildar LHÍ á RIFF. Guðrún Elsa Bragadóttir, lektor og fagstjóri fræðigreina, stýrir pallborði á hátíðinni, Konur í kvikmyndum: Að brjóta múra og endurskrifa frásagnir (Women in Film: Breaking Barriers & Rewriting Narrative). Erlendur Sveinsson, aðjúnkt og fagstjóri, situr í dómnefnd í flokki erlendra stuttmynda og mun einnig leiða masterclass með Anton Corbijn og leiðbeina í Young Nordic Voices Think Tank.
