Automatic translation by Google Translate.We cannot guarantee that it is accurate.
Skoða vefinn á ÍslenskuVöruhönnun BA
Við Listaháskóla Íslands takast nemendur í vöruhönnun á við samfélagslegar og umhverfislegar áskoranir með skapandi lausnum um leið og þau efla þátttöku hönnuða í samfélagi, listum og vísindum.
Information is provided in Icelandic for study programmes that have Icelandic as the primary language of instruction.
Um námið
Áhersla er lögð á að kynna nemendur fyrir fjölbreyttum aðferðum við hönnunarferli, að efla gagnrýna skapandi hugsun, og að undirbúa nemendur til þess að takast á við áskoranir samtímans með aðferðum hönnunar.
Í náminu þjálfa nemendur aðferðir hönnunarhugsunar. Viðfangsefni eru rannsökuð og þróuð áfram með hönnunarferli, þau sett í samhengi og sett fram sem tillaga í formi frumgerðar, sýningarhluta, myndbanda o.s.frv. Nemendur tileinka sér fjölbreytta tækni og vinnu með tæki og tól (t.d. keramik-, tré-, málmsmíði o.fl.) til að gefa hugmyndum form og móta lausnir. Áhersla er lögð á miðlun verkefna í texta, ljósmyndun og myndbandagerð. Í lok námsins hefur hver nemandi sína eigin vefsíðu til að miðla verkefnum sínum og skapandi sýn.
Meðal verkefna sem nemendur vinna er námskeiðið Staðbundin tækifæri og framleiðsla þar sem nemendur kynnast m.a. vannýttum hráefnum eða tækifærum til aukinnar verðmætasköpunar úr íslensku hráefni. Nemendur gera tilraunir, þróa hugmyndir, læra að hanna og framleiða sjálf og koma að lokum með tillögur að úrbótum og nýjungum í samstarfi við leiðbeinanda og íslensk framleiðslufyrirtæki.
Uppbygging náms
Námið sem er til þriggja ára er 180 einingar og skiptist í fræði, tækni og vinnustofur. Kennsla fer fram í fyrirlestrum, á verkstæðum og á vinnusvæði nemenda þar sem hver hefur sína eigin aðstöðu. Námið er staðbundið, kennt á íslensku en í undantekningatilfellum á ensku, og er nemandinn ábyrgur fyrir eigin námsframvindu. Námið sem er nemendamiðað gefur hverjum og einum svigrúm til að nálgast verkefnin eftir eigin áhugasviði og styrkleikum en hlutverk kennarans er að leiðbeina um hönnunarferlið og verkfæri sem styðja nemandann í eigin þekkingarleit. Áhersla er á samtal nemandans við kennara og samnemendur, þar sem eigin verk og annarra eru túlkuð og sett í samhengi. Námsmat er skrifleg umsögn og miðar við staðið/fallið.
Að loknu námi
Að loknu námi eiga nemendur að vera færir um að vinna á sjálfstæðan og skapandi hátt að ólíkum verkefnum á sviði vöruhönnunar, hjá hönnunarfyrirtækjum eða sjálfstætt. Námið undirbýr nemendur einnig vel fyrir framhaldsnám á meistarastigi.
Umsóknar- og inntökuferli
Til að sækja um bakkalarnám í vöruhönnun er rafræn umsókn fyllt út, umbeðin gögn látin fylgja og í kjölfarið þarf að greiða umsóknargjaldið. Þegar þessum skrefum er lokið og þegar gengið hefur verið úr skugga um að umsækjandi hafi skilað inn öllum nauðsynlegum upplýsingum og fylgiskjölum fær hann staðfestingu í tölvupósti á að rafræn umsókn sé fullgild og móttekin.
Opnað fyrir umsóknir
6. janúar 2025
Umsóknarfrestur
8. apríl 2025
Umsóknum svarað
Maí / júní 2025
Verðskrá
Sérleiðbeiningar fyrir hönnunardeild
- Rafræn umsókn er fyllt út í umsóknargátt.
- Athugið: fylla þarf út alla stjörnumerkta reiti og hengja við þau skjöl sem óskað er eftir, greiða umsóknargjald og staðfesta umsókn.
- Staðfest afrit af prófskírteini (ljósrit gildir ekki) með stimpli frá viðkomandi skóla og skannað námsferilsyfirlit og hengt við rafræna umsókn.
- Skila þarf efnislegri möppu/portfolio, í síðasta lagi 8. apríl 2025
- Ef fylgiskjöl eru ekki í lagi, fær umsækjandi póst og möguleika á að lagfæra umsóknina.
- Umsækjandi fær staðfestingu á að rafræn umsókn sé fullgild.
-
1. Mappa/portfolio
Skylda-
Athugið að velja þarf á milli efnislegrar eða rafrænnar möppu/portfolio.Ef verið er að sækja um á fleiri námsleiðum eða deildum, þarf að skila inn umsókn og möppu fyrir hverja námsleið/deild.Skilafrestur möppu:Skilafrestur á efnislegri eða rafrænni möppu er 8. apríl 2025. Ef um efnislega möppu er að ræða þá skal skila henni eða senda með pósti á skrifstofu LHÍ:
-
Listaháskóli Íslands, Hönnunardeild
-
Stakkahlíð 1
-
105 Reykjavík
Ef mappa er send með pósti þarf póststimpill að vera dagsettur í síðasta lagi 8. apríl 2025. Möppuna á að senda með rekjanlegum pósti og merkja umslagið með Umsókn hönnun.Athugið að inntökuferlið er nafnlaust, en við biðjum þig að lesa vel yfir leiðbeiningarnar hér fyrir neðan varðandi merkingu á möppu:Merking möppu:-
Ef mappan þín er efnisleg þarft þú að láta fylgja með henni blað þar sem kemur fram skýrt fullt nafn og kennitala. Þetta blað verður tekið í burtu áður en inntökunefnd fær möppuna í hendurnar.
-
Ef mappan þín er rafræn þarftu að vista skrána með fullu nafni og kennitölu. Þeim upplýsingum verður breytt áður en inntökunefnd fær möppuna í hendurnar.
Innihald möppu:Umsækjendur skulu safna sýnishornum af verkum sínum saman í möppu á efnislegu eða rafrænu formi.Verkin eiga að endurspegla persónulega sýn nemandans, varpa ljósi á helstu hugðarefni hans og úr þeim á að vera hægt að lesa hvaða hæfileika hann hefur til frumlegrar sköpunar og framsetningar á hugmyndum sínum.Ekki er nauðsynlegt að öll verkin séu fullgerð eða þau útfærð til hins ýtrasta, þvert á móti er mikilvægt að þar sé einnig að finna hvers konar hönnunarferli, skissur, teikningar, ljósmyndir eða texta. Öll sýnd verk eiga að vera höfundarverk umsækjanda. Ef verk hefur verið unnið í hópavinnu eða samstarfi er nauðsynlegt að taka það fram.Umsækjandi þarf sjálfur að meta hvað rúmast innan möppunnar en mikilvægt er að hún endurspegli getu, færni og sýn hans á fagið í gegnum skapandi vinnu.Efni utan möppunnar s.s. hlekkir eða vísanir í önnur skjöl rafrænt er skilgreint sem ítarefni og ekki tryggt að það verði skoðað. -
-
-
Kynningarbréf
SkyldaUmsækjendur gera grein fyrir ástæðu umsóknar í viðkomandi námsleið. Kynningarbréfið á að hámarki að vera ein blaðsíða.
-
3. Inntökuferli
SkyldaSkipuð er inntökunefnd fyrir hverja námsleið sem metur umsóknir og velur úr hópi umsækjenda. Nefndin er skipuð fagstjóra viðkomandi námsleiðar ásamt einum til tveimur sérfræðingum á viðkomandi fagsviði.Inntökuferlið er eftirfarandi:-
Umsóknir eru metnar af inntökunefnd. Umsækjendur sem standast mat inntökunefndar komast í úrtakshóp og eru boðaðir í viðtal.
-
Umsækjendur hitta inntökunefnd í viðtali þar sem áhugi þeirra á tilvonandi námi, afstaða þeirra og viðhorf til fagsins er kannaður. Umsækjendur geta óskað eftir rafrænu viðtali sjái þeir sér ekki fært að mæta í eigin persónu.
Sérverkefni:Inntökunefnd er heimilt að óska eftir sérverkefni af umsækjanda ef þess er talin þörf.Niðurstöður umsókna:Öllum umsækjendum verður sent rafrænt svar við umsóknum í maí/júní. Niðurstöður inntökunefnda eru endanlegar og ekki er skylt að gefa nánari útskýringu á synjun um skólavist.Umsækjendum sem boðin er skólavist þurfa að greiða skráningargjald að upphæð 75.000 kr sem er sent í heimabanka þeirra. -
-
4.Inntökuskilyrði
Miðað er við að umsækjendur hafi lokið stúdentsprófi eða sambærilegu námi.
-
5. Undanþágur vegna inntöku
Listaháskólanum er heimilt að veita þeim umsækjendum inngöngu í skólann sem búa yfir þekkingu og reynslu sem telst fullnægjandi undirbúningur til bakkalárnáms við skólann.Í slíku tilfelli þarf umsækjandi að uppfylla hvoru tveggja:-
Hafa lokið eigi færri en 105 einingum úr eldra kerfi framhaldsskólastigsins eða 150 framhaldsskólaeiningum samkvæmt nýja kerfinu
-
Sýna fram á framúrskarandi hæfni, þekkingu og sýn á fagið með innsendri möppu/portfolio.
-
