Automatic translation by Google Translate.We cannot guarantee that it is accurate.
Skoða vefinn á ÍslenskuKlassískt flytjendanám
Í klassísku flytjendanámi fá nemendur tækifæri til að þjálfa þá hæfni sem þarf til að starfa sem atvinnuflytjendur sem og þeim fjölbreyttu þáttum sem snúa að starfsvettvangi tónlistarmanna. Námið er framsækið og í stöðugri þróun.
Um námið
Námið miðar að því að veita nemendum þá þjálfun sem nauðsynleg er til að starfa sem klassískir tónlistarflytjendur. Víðtæk tækifæri gefast hér til listrænnar sérhæfingar á háskólastigi.
Uppbygging náms
Klassíska flytjendanámið er þrískipt: hljóðfæraleikur; söngur; og kirkjutónlist. Námið byggir á reglulegri og markvissri þjálfun þar sem áhersla er lögð á sjálfstæði og skapandi vinnubrögð. Nemendur vinna markvisst að því að öðlast gott vald á tækni og túlkun undir leiðsögn kennara deildarinnar og gestakennara.
Í náminu fá nemendur tækifæri til að kynnast fjölbreyttri flóru tónlistar og móta eigin áherslur. Fræðanámskeið, samstarf í tónlist og þátttaka í fjölbreyttum verkefnum styðja við aðalfagið og efla túlkunarhæfni og sviðsframkomu. Meðan á námstímanum stendur geta nemendur sótt um skiptinám í erlenda tónlistarháskóla.
Meginmarkmið námsleiðarinnar er að veita nemendum djúpa þekkingu og trausta tækni í klassískum hljóðfæraleik og söng. Lögð er áhersla á að nemendur dýpki skilning sinn á aðferðum, stíltegundum og túlkun ólíkra tónverka. Námið er einstaklingsmiðað og hvetur til valdeflingar og frumkvæðis í listsköpun.
Inntökuskilyrði eru framhaldspróf í tónlist eða sambærileg hæfni. Að námi loknu búa nemendur yfir staðgóðri og faglegri þekkingu, færni og hæfni innan síns sérsviðs og geta auk þess með vali á sérsniðnum námskeiðum breikkað starfssvið sitt innan tónlistar. Í því samhengi verður frá og með 2. ári boðið upp á að nemendur nýti sér allt val (30 ECTS) í sérstök áherslusvið: (a) kennslu og miðlun (b) flytjendanám helgað samtímatónlist (uppbygging og námskeið kynnt síðar).
Námið byggir á einstaklingskennslu, hóptímum og masterklössum og ígrundun þar sem áhersla er lögð á sjálfstæð vinnubrögð, frumkvæði og gagnrýna hugsun.
Að loknu námi
Klassískt flytjendanám við Tónlistardeild LHÍ veitir góðan grunn fyrir áframhaldandi nám á meistarastigi við erlenda tónlistarháskóla. Þeir nemendur sem hyggjast einbeita sér að kennslu eiga jafnframt greiðan aðgang meistaranámi við LHÍ í kennslufræði (M.Mus.Edu).
Umsóknar- og inntökuferli
Umsókn um nám í Listaháskóla Íslands er fyllt út í umsóknargátt. Umsóknarferlið er í tveimur skrefum: í fyrra skrefinu er umsóknin fyllt út með fylgigögnum og umsóknargjald er greitt. Seinna skrefið er inntökuferli.
Í rafrænu umsókninni gefst umsækjanda kostur á að tilgreina ástæður umsóknar, markmið, framtíðarsýn og fleira í stuttum texta. Umsækjendur eru beðnir um að skila inn rafrænni áheyrnarprufu. Myndbandsupptökurnar mega vera að hámarki 3 mánaða gamlar. Hvert sönglag eða aría auk talaðs texta þarf að vera flutt í einni töku án klippinga en ekki er nauðsynlegt að flytja alla dagskrána í einni töku. Umsækjandi sendir hlekk á upptökuna þar sem hægt er að sækja hana. Eftir aðupptaka hefur verið metin er umsækjandi boðaður í stuttan fyrirsöng ogviðtal með inntökunefnd.
Ef fjöldi umsækjenda sem standast inntökukröfur námsleiða er undir lágmarksviðmiðum verður ekki tekið inn á námsleið fyrir komandi skólaár. Eru umsækjendur upplýstir um slíkt eins fljótt og auðið er og skrásetningargjald endurgreitt, hafi það verið greitt.
Opnað fyrir umsóknir
14. janúar 2026
Umsóknarfrestur
13. apríl 2026
Umsóknum svarað
Maí 2026
Verðskrá
Leiðbeiningar
Umsækjendi skal fylla út rafræna umsókn í umsóknargátt. Umsókn skal fylgja eftirfarandi fylgiskjöl:
-
1. Kynningarbréf
SkyldaKynningarbréf: Í kynningarbréfi þarf umsækjandi að taka fram hvaða af þremur leiðum hann sækir um á: söng, hljóðfæri (og þá hvaða hljóðfæri) eða kirkjutónlist. Þá skal meðal annars koma fram hver hvati umsækjanda er fyrir umsókn í viðkomandi námsleið og upplýsingar um fyrra nám og þátttöku í tónlist.
ATHUGIÐ
Ef umsækjandi óskar eftir að taka einkatímaval á fyrsta ári, skal það koma skýrt fram í kynningarbréfinu. Þar þarf að tilgreina á hvaða hljóðfæri valið er og gera grein fyrir fyrra námi og reynslu. Umsækjendur sem uppfylla skilyrði til þátttöku í einkatímavali geta verið boðaðir í áheyrnarprufu, þar sem þeir leika einnig á aukahljóðfæri sitt.
Tekið skal fram að ekki er unnt að verða við öllum umsóknum. -
2. Prófskírteini
skyldaPrófskírteini: Umsækjendur eru beðnir um að skila inn staðfestu afriti af prófskírteini úr framhaldsskóla auk námsferilsyfirliti úr tónlistarskóla ef það á við.
a) Skannið frumrit af prófskírteinum og hengið við umsókn eða fáið staðfest afrit af prófskírteinum með stimpli frá viðkomandi skóla, skannið og hengið við umsókn.
b) Fáið staðfest afrit af undangengnu tónlistarnámi (afrit af nýjasta stigsprófi sem þreytt hefur verið) með stimpli frá viðkomandi skóla, skannið og hengið við umsókn. -
3. Tenglar
SkyldaTenglar: Umsækjendur skulu senda inn tengla að myndbandsupptökum af eigin tónlistarflutningi sem sýna fram á hæfni á viðeigandi hljóðfæri/söng.
Viðmið fyrir myndbandsupptökur:
Söngur
- Tvær aríur frá ólíku tímabili og á mismunandi tungumálum
- Tvö sönglög á mismunandi tungumálum
- Eintal á íslensku, um tvær mínútur að lengd til að sýni túlkunarhæfni og textameðferð. Erlendir umsækjendur hafa leyfi til að flytja texta á móðurmáli sínu.
Allur flutningur skal vera blaðlaus,
Hljóðfæri
Píanó/gítar/harmóníka:
- Klassískur sónötukafli
- Rómantískt eða 20. aldar verk
- Etýða
eða sambærilegt
Strengir
- Þáttur úr verki eða verk frá barrokk eða klassíska tímabilinu
- Þáttur úr verki eða verk frá rómantíska tímabilinu eða 20. öld
- Etýða
eða sambærilegt.
Blásturshljóðfæri
- Fyrsti þáttur úr klassískum konserti
- Verk frá rómantíska tímabilinu eða 20. öld
- Etýða
eða sambærilegt.
Kirkjutónlist
Umsækjendur þurfa senda inn myndbandsupptöku af orgelleik sínum, amk. tvö einleiksverk frá mismunandi tímabilum tónlistarsögunnar sem sýna breidd í færni og túlkun.
Þessir listar eru til viðmiðunar, leyfilegt er að senda önnur verk sem sýna sambærilega hæfni eða kunnáttu eða sem hæfa tilteknu hljóðfæri betur.
Athugið að myndbandsupptaka kemur ekki í stað áheyrnarprufu í hljóðfæraleik/söng.
Umsókn tryggir ekki boð í áheyrnarprufu.
Inntökuferli
Inntökuferli fer fram í þremur þrepum.
Ef umsókn telst fullnægjandi eru umsækjendur boðaðir í viðtöl og áheyrnarprufu, í kjölfarið eru niðurstöður inntöku tilkynntar.
-
1. Stöðupróf í tónfræðigreinum
SkyldaStöðupróf í tónfræðigreinum: Umsækjendur eru boðaðir í stöðupróf í tónfræðigreinum sem fer fram í maí 2026. Sýnishorn af stöðuprófum má nálgast hér að neðan.
-
2. Áheyrnarprufa
skyldaUmsækjandi skal flytja verk sem sýna tæknilega færni og hæfni viðkomandi í túlkun á hljóðfærið sitt eða í söng.
Hljóðfæri:
Mælt er með að undirbúin sé ein etýða eða stutt verk sem sýnir tæknilega færni umsækjanda vel og svo tvö verk frá mismunandi tímabilum tónlistarsögunnar sem sýna breidd í færni og túlkun.
Verk sem mælt er með að séu flutt:
Blásturshljóðfæri:
- a) Etýða/stutt tæknilegt verk
- b) Fyrsti þáttur úr klassískum konserti
- c) Rómantískt verk eða verk frá barokktímabilinu eða 20. aldar verk
Strengir:
- a) Etýða/stutt tæknilegt verk
- b) Þáttur úr einleiksverki eftir J. S. Bach
- c) Hraður konsert- eða sónötukafli
Píanó/gítar/harmóníka:
- a) Etýða/stutt tæknilegt verk
- b) Hraður þáttur úr klassískri sónötu
- c) Rómantískt eða 20. aldar verk
Kirkjutónlist:
Allir sem uppfylla inntökukröfurnar í orgelleik eru boðaðir í áheyrnarprufu í píanóleik og söng og einnig í stöðupróf í tónfræði, hljómfræði og tónheyrn sem fara fram í maí 2026.
Söngur:
- a) Tvær aríur frá ólíku tímabili og á mismunandi tungumálum
- b) tvö sönglög á mismunandi tungumálum
- c) Eintal á íslensku, um tvær mínútur að lengd til að sýni túlkunarhæfni og textameðferð. Erlendir umsækjendur hafa leyfi til að flytja texta á móðurmáli sínu.
Allur flutningur skal vera blaðlaus. -
3. Niðurstöður tilkynntar
Niðurstöður umsókna eru tilkynntar í maí 2026.
Inntökuskilyrði
Inntökuskilyrði í klassískt flytjendanám skipast í almenn og sértæk inntökuskilyrði en umsækjendur þurfa að hafa lokið stúdentsprófi eða sambærilegu námi.
-
Almenn inntökuskilyrði
Miðað er við að umsækjendur hafi lokið stúdentsprófi eða sambærilegu námi.
-
Sértæk inntökuskilyrði
Heimilt er að veita inngöngu í námsleiðina þeim umsækjendum sem búa yfir þekkingu og reynslu sem telst fullnægjandi undirbúningur til bakkalárnáms. Inntökuskilyrði eru framhaldspróf í tónlist eða sambærileg hæfni.
-
Undanþágur vegna inntöku
Listaháskólanum er heimilt að veita inngöngu í skólann umsækjendum sem búa yfir þekkingu og reynslu sem telst fullnægjandi undirbúningur til bakkalárnáms við skólann. Þó er við það miðað að umsækjendur hafi lokið eigi færri en 105 einingum úr eldra kerfi framhaldsskólastigsins eða 150 framhaldsskólaeiningum samkvæmt nýja kerfinu