Raunfærnimat

Raunfærnimat í grunnnámi við Listaháskóla Íslands
Raunfærnimat hefur það markmið að auðvelda fólki á vinnumarkaði sem hefur starfsreynslu að stunda nám og afla sér réttinda á skemmri tíma. Þannig er betur hægt að mæta þörfum samfélagsins og vinnumarkaðarins.

Af hverju raunfærnimat?
Raunfærnimat veitir viðurkennningu á þekkingu sem einstaklingur öðlast í gegnum
störf, nám og daglegt líf. Þekkingin getur hafa orðið í til í gegnum námskeið,
félagsstörf eða starfsreynslu. Með því að fara í raunfærnimat geta einstaklingar stytt
námstíma sem bæði getur dregið úr álagi og aukið hvata til frekara náms.

Fyrir skólaárið 2025-2026 er boðið upp á raunfærnimat í:

• Ákveðnum námskeiðum í grafískri hönnun
• Ákveðnum námskeiðum í fatahönnun

Skilyrði fyrir umsókn um raunfærnimat:

• Vera nemandi í grunnnámi
• Eldri en 25 ára
• Þriggja ára samfelld starfsreynsla í faginu
• Starfsreynsla vottuð frá vinnuveitanda

Ferlið

1. Umsækjandi fyllir út skimunarlista til að meta eigin færni í tengslum við
   raunfærnimatið.
2. Umsækjandi sendir eftirfarandi gögn á verkefnastjóra.
   • Ferilskrá
   • Skimunarlista
   • Vottorð frá vinnuveitanda
3. Þegar verkefnastjóri hefur staðfest gögnin fer umsækjandi í viðtal hjá náms-
   og starfsráðgjafa
4. Umsækjandi fær boð um að koma í viðtal hjá matsaðila.

Ef þú ert með spurningar getur þú hafst samband við:
Ragnhildi Ísleifs Ólafsdóttur – Náms- og starfsráðgjafi  ragnhildur@lhi.is
Adam Flint Taylor – Fagstjóri í grafískri hönnun adam@lhi.is
Ragna Sigríður Bjarnadóttir – Fagstjóri í fatahönnun ragnabjarnadottir@lhi.is
Sigríður Hallgrímsdóttir – Verkefnastjóri raunfærnimats sirry@lhi.is

Um Raunfærnimat
Haustið 2023 hófst undirbúningur hjá Listaháskóla Íslands í samvinnu við aðra háskóla við að móta sameiginlegt matsferli sem mun nýtast öllum háskólum landsins við raunfærnimat til styttingar náms.
Verkefnið er einnig unnið í samstarfi við Fræðslumiðstöð atvinnulífsins. Matsaðilar fara á námskeið og fá vottun í framkvæmd á raunfærnimati.