Auður Anna Kristjánsdóttir

Litagleði og tilfinningar

Að tengjast líkamanum og tilfinningum í gegnum liti, hreyfingu og sköpun.

Ég mun fjalla um mikilvægi þess að efla tilfinningalæsi og tengingu við líkamann í grunnskólastarfi, með það að markmiði að styðja við farsæld barna. Ég skoða áhrif samfélagslegra breytinga, einstaklingshyggju og firringar, líðan barna í dag, og hvernig skólakerfið getur brugðist við þessari þróun.

Með hliðsjón af kenningum fræðimanna á borð við Patricia Sherwood, Bessel van der Kolk og Eugene Gendlin er lögð áhersla á að vinna með líkamsskynjun og innri hlustun sem lykilþætti tilfinningagreindar og til að stuðla að heilbrigðum þroska.

Lokaafurðin er tillaga að námsefni sem tengist fræðunum og legg ég áherslu á að námsefnið sé sjálfstæð grein sem verði kennd markvisst. Við búum í breyttu landslagi og þurfum að bregðast við.

Leiðbeinandi: Guðbjörg R Jóhannesdóttir
20 ECTS M.Art.Ed. listkennslufræði
2025