Automatic translation by Google Translate.We cannot guarantee that it is accurate.
Skoða vefinn á Íslensku
25 mismunandi hattar +1 öðruvísi hattur er samsýning þriðja árs nema í myndlist við Listaháskóla Íslands í Skaftfelli veturinn 2026.
Opnun 23.01. at 17.00
Skaftfell, Austurvegur 42, 710 Seyðisfjörður
Sýningin stendur 23.01 – 27.02 2026
Opið þriðjudag – til föstudags frá 11.00-15.00
Nemendur: Alexander Freyr Þorvarðarson, Alex Goncalves, Arna Björk Einarsdóttir, Arnar Breki Ragnarsson, Atli Finnsson, Álfur Tumi Elfuson, Björn Jónsson, Cornelia Lind, Elísa Þóreyjardóttir, Freyja Sercombe, Freyja Rein, Kveldúlfur Karl, Gunnhildur Halla Ármannsdóttir, Iða Brá Ingadóttir, Ísar Svan, Karen Ýr Sigurbjörnsdóttir, Katla Guðbjörg Gunnarsdóttir, Kristófer Andrésson, Kristrún Ásta Arnfinnsdóttir, Lísa Persdóttir, Máni Helgason, Nete Forsberg Scheuer, Oona Mara, Salka Sólberg, Sindri Kristinsson og Sophia Taylor Cole
2001 – 2026. Ár eftir ár, lag eftir lag sem hleðst upp eins og pönnukökur og jarðlög fjallanna. Við erum tuttugasta og fimmta lagið. 25 lögðu af stað í leiðangur og þau tóku sér 1 til viðbótar. Menningin lóðrétt en ljósið berst lárétt svo fjöllin bera sólina eins og hatt. Innblástur dreginn frá dvöl í firðinum og verk dregin upp úr höttum.
Allir mismunandi og kannski einn öðruvísi, það er allt og sumt.
= 26
Skaftfell og Listaháskóli Íslands kynna með stolti sýningu 26 útskriftarnema Myndlistardeildar í sýningarsal Skaftfells. Listafólkið hefur dvalið í firðinum og kynnst ýmsum hliðum mannlífs og atvinnuhátta á staðnum. Vinnustofan er samstarf á milli Listaháskóla Íslands og Skaftfells myndlistamiðstöðvar, en þetta samstarf hófst fyrir tilstilli Björns Roth og Kristjáns Steingríms Jónssonar árið 2001. Í þeim hópi nemenda voru Gunnhildur og Sirra sem nú leiða vinnustofuna. Í ár er sérstaklega áþreifanlegt mikilvægi þess að halda arfleið námskeiðsins á lofti nú þegar við kveðjum Björn Roth.
