Húsnæði og aðstaða

Húsnæði Listaháskóla Íslands er mótað að skapandi vinnu, með rýmum sem styðja fjölbreyttar listgreinar og ólíkar vinnuaðferðir. Nemendur hafa aðgang að vel búnum vinnustofum, sérhæfðum verk- og tækjarýmum, stúdíóum og sameiginlegum svæðum sem hvetja til hugmyndavinnu og samtals. Aðstaðan er í stöðugri þróun og endurspeglar lifandi skólasamfélag þar sem nemendur geta unnið sjálfstætt, prófað sig áfram og þróað sköpun sína í faglegu umhverfi

Aðstaða

Aðstaða Listaháskóla Íslands er skipt í heimasvæði sem skapa skýra og þægilega umgjörð fyrir ólíkar listgreinar og vinnuaðferðir. Nemendur hafa aðgang að fjölbreyttum verkstæðum, stúdíóum og vinnurýmum sem eru sérhönnuð fyrir skapandi vinnu, hvort sem unnið er með efnislega miðla, hljóð, mynd, hreyfingu eða stafræna tækni. Heimasvæðin eru hugsuð sem lifandi vinnusvæði þar sem nemendur geta unnið sjálfstætt, átt samskipti við samnemendur og fengið aðstoð frá sérfræðingum í tækni og verklegum þáttum.

Verkstæði →

Aðgengi

Aðgengi er lykilþáttur í daglegu lífi í Listaháskóla Íslands og lögð er áhersla á að skapa umhverfi þar sem allir nemendur geta tekið fullan þátt í námi og starfi. Í húsnæði skólans er unnið markvisst að því að tryggja að rými, aðstaða og þjónusta séu aðgengileg ólíkum hópum, hvort sem um er að ræða hreyfihamlaða, heyrn- eða sjónskerta nemendur eða þá sem þurfa sértækan stuðning. Nemendur geta leitað til starfsfólks skólans til að fá upplýsingar um aðgengismál, sérúrræði eða aðstoð við aðlögun námsumhverfis,

Aðgengisupplýsingar →

Rafræn vöktun 

Öryggismyndavélar eru mikilvægur hlekkur í öryggiskerfi Listaháskóla Íslands. Reynslan sýnir að öryggismyndavélar hafa talsverðan fælingarmátt og geta verið ómetanlegar við að upplýsa þjófnaði og skemmdarverk. Þær eru hluti af þeirri viðleitni að verja eigur Listaháskóla Íslands, starfsfólks og nemenda og jafnframt bæta öryggi á háskólasvæðinu almennt.

Rafræn vöktun →