Sigurður Unnar Birgisson – viðtal

Sigurður Unnar Birgisson er listamaður og meistaranemi í listkennsludeild LHÍ

„Ég ólst upp í Kópavogi og stofnaði götuleikhús í bænum ásamt fleirum stuttu eftir aldamót. Eftir fornám í Tækniskólanum gekk ég í listaháskóla í Berlín, UdK og útskrifaðast þaðan með tvær gráður í Visuelle Kommunikation,“ segir Sigurður Unnar en bæði útskriftarverk hans voru stuttmyndir unnar með Kristínu Gunnars.

Performance Kuskfursti, De Uitkijk, Amsterdam (NL), 2024

„Fyrsta einkasýning mín var í Ljósmyndasafni Reykjavíkur árið 2021 og síðasta sýning sem ég tók þátt var samsýning í Galleri Umelka í Bratislava.“

Áður en Sigurður Unnar hóf nám í listkennsludeild starfaði hann sem ljósmyndari hjá Passamyndum Hlíðasmára yfir sjö ára tímabil ásamt að vera verkefnaráðinn og sinna listsköpun.

Pick up, Kuskfursti, 2017, Iceland, Ten Buffalos curated by NhaÌ_ SaÌ_n Collective, De Uitkijk, Amsterdam (NL)

En hvers vegna ákvað Sigurður Unnar að hefja nám í listkennslu í LHÍ?

„Ég hafði heyrt fólk tala vel um deildina, námið og nemendurna. Ég hef alltaf viljað kenna og tel það hluta af því að starfa sem listamaður,“ segir Sigurður Unnar sem segist vera ánægður í náminu: „Ég er hrifinn. Mér finnst gott að vera í þessu umhverfi. Það er mikilvægt að mínum dómi að mennta sig mjög breitt og ég er viss um að námið í LHÍ höfði til breiðs hóps. Að lokum vil ég sjá þverskurð af íslensku samfélagi þar að leik.“

Aðspurður hvernig Sigurður Unnar sér fyrir sér að nýta námið að því loknu hefur hann þetta að segja: „Ég er svakalega hrifinn af listrannsóknum og mig langar að byrja að vinna á leikskóla.“

Performance Kuskfursti, De Uitkijk, Amsterdam (NL), 2024