Class: 
color2

Adapter með vinnustofu í Sölvhóli

Tónlist, Tónsmíðar

Þýsk-íslenski hljóðfærahópurinn Adapter verður með vinnustofu fyrir tónskáld og hljóðfæraleikara í Sölvhóli, mánudaginn 26. september kl. 13-15. Í vinnustofunni mun hópurinn leggja áherslu á að kynna hvernig hann nálgast flutning samtímatónlistar og samstarf við tónskáld frá mismunandi sjónarhornum auk þess sem lögð verður áhersla á að kynna hljóðfæraskipan hópsins og þá möguleika sem hún býr yfir. Tónlistardeild LHÍ og Adapter hyggja á reglulegt samstarf sem mun m.a.

Föstudagsfyrirlestrar tónlistardeildar: Aisha Orazbayeva

Tónlist
Í föstudagsfyrirlestri tónlistardeildar LHÍ 23. september mun fiðluleikarinn Aisha Orazbayeva fjalla um og flytja verk sem hafa skipt sköpum í þróun fiðluleiks á síðustu áratugum. Verkin sem um ræðir eru Toccatina eftir Lachenmann, 6 Caprices eftir Sciarrino og Study for String Instrument no.1 eftir Simon Steen-Andersen.
 
Aisha Orazbayeva kemur svo fram á tónleikum í Mengi kl. 21:00 samdægurs.
 

RíT: vinnustofa með Aisha Orazbayeva

Tónlist

RíT (rannsóknarstofa í tónlist) -vinnustofa með Aisha Orazbayeva

Rannsóknarstofa í tónlist (RíT) efnir til vinnustofu í skrifum og flutningi nútímatónlistar fyrir strengi. Lögð verður áhersla á nýstárlega tækninálgun og er vinnustofan ætluð tónskáldum sem og flytjendum en er öllum opin. Kannaðir verða þeir ótal möguleikar sem fiðlan og önnur strengjahljóðfæri hafa fram á að færa og hvernig hægt er að nálgast þá í gegnum tónsmíðar, nótnaritun og flutning. Skoðað verður einnig hvernig beita megi nútímatækni á eldri tónlist.
 

Tilfinningar og tækni framtíðarinnar: Rory Viner tónskáld

Tónlist, Tónsmíðar

Rory Viner í heimsókn hjá tónskáldum á Sölvhólsgötunni

Kanadíska tónskáldið, Rory Viner, sem hefur aðsetur í Tókíó, heimsækir tónsmíðanema tónlistardeildar heim á Sölvhólsgötu 13, föstudaginn 9. des. kl. 13-14:40. Rory Viner er hljóðlistamaður sem einbeitir sér að tilraunatónsmíðum og innsetningum. Fyrirlesturinn fer fram á ensku.

Future Emotions & Technology: How Synaesthesia, Technology and Experimental Music Dilate Emotional Geographies

Þrávélar og skorsköpun

Tónlist, Tónsmíðar
Einar Torfi Einarsson heldur fyrirlestur um eigin verk í opinni málstofu tónsmíðanema föstudaginn 11. nóvember kl. 13 í stofu 533, Sölvhólsgötu 13. Fyrirlesturinn mun skoða hugtökin endurtekning, þrávélar og skorsköpun og sýna hvernig þau birtast og þróast í verkunum Quanta, Repetition of Repetition og Desiring-Machines. Einnig verða önnur verk könnuð sem leita á mið vandamála, spurninga og tilrauna með nótnaritun, skorið, efni og ásetning.
 

Frá klifun til hávaða

Tónlist, Tónsmíðar

Atli Ingólfsson heldur fyrirlestur í málstofu tónsmíðanema föstudaginn 16. september í stofu 533, Sölvhólsgötu 13. Fyrirlesturinn nefnist Frá klifun til hávaða. Þar mun Atli fjalla um samband milli skáldskapar og skipulags í verkum sínum, einkum með hliðsjón af einleiksverkunum. Farið verður ofan í saumana á Cono di fede fyrir kontrabassa og samsetning þriggja einleiksverka í leikhúsverkinu Composition skoðuð.

Ljósmynd af Atla: Stephan Stephensen

X