Á miðvikudaginn heldur tónlistardeild LHÍ kynningu á rannsóknarstarfsemi deildarinnar. Þar verður kynnt nýtt tímarit deildarinnar, Þræðir, en fyrsta tölublað ritsins kom út í febrúar en þar má finna tólf fjölbreyttar greinar um tónlist (https://thraedir.wordpress.com/tolublad-1/) og munu höfundar kynna nokkrar þeirra. Þá mun rannsóknarstefna deildarinnar vera kynnt og sagt verður frá Rannsóknarstofu í tónlist og tveimur viðburðum sem verða á hennar vegum í næsta mánuði.
Á alþjóðlegum baráttudegi kvenna þann 8.mars kl.20 mun Kammerhópurinn ReykjavíkBarokk minna á verk kvenna fyrr á tíð og flytja tónleikhúsdagsskrá í sal Tónskóla Sigursveins Hraunbergi 2.
Þar kallast á fornir tónar kventónskálda sem lifðu og störfuðu í klaustrum og nýjar raf-tónmyndir Kristínar Lárusdóttur.
Verkefnið er hluti af mastersverkefni Diljár Sigursveinsdóttur úr NAIP-deild LHÍ (New Audience Innovative Practice).
Jens Harald Bratlie er einn af fremstu píanóleikurum Norðmanna. Hann hefur leikið með hljómsveitum víða í Evrópu og Bandaríkjum Norður-Ameríku auk þess að koma fram sem einleikari og á kammertónleikum en hefur hann unnið til fjölmargra verðlauna fyrir leik sinn. Bratlie er mikilsvirtur kennari og er hann prófessor við Tónlistarháskólann í Osló þar sem hann hefur kennt frá árinu 1973 auk þess sem hann var rektor skólans á árunum 1999-2002. Hann heldur masterklassa víða um heim og er það mikill fengur fyrir Listaháskólann að fá hann í heimsókn.
Föstudagsfyrirlestur tónlistardeildar 4. mars kl. 12:45-13:45 í Sölvhóli
Transversal music
Í fyrirlestri sínum mun ítalski listamaðurinn Angelo Sturiale kynna nýjustu verk sín og leiða áheyrendur inn í heillandi heim listrannsókna sinna sem tengjast tónlist, myndlist, hreyfingu og ljóðlist.
Miðvikudaginn 2.mars býður tónlistardeild alla áhugasama velkomna á tónleikamasterklass þar sem nokkrir kennarar deildarinnar taka sameiginlega þátt í að leiðbeina nemendum. Leiðbeinendur að þessu sinni eru þau Guðný Guðmundsdóttir, Þóra Einarsdóttir, Sigrún Eðvaldsdóttir, Svanur Vilbergsson og Peter Máté.
Efnisskrá:
1. Snæbjörg Guðmunda Gunnarsdóttir, sópran: W.A.Mozart: Ach ich fühl's úr Töfraflautunni
2. Heiður Lára Bjarnadóttir, selló: César Franck: Sónata - 1.kafli
3.Óskar Magnússon, gítar: Mauro Giuliani: Grand Overture
Atli hefur starfað sem kvikmyndatónskáld í Hollywood í um það bil 20 ár og samið tónlist við fjölda mynda og sjónvarpsþátta. Á síðasta ári samdi hann að auki tónlist við hina rómuðu íslensku kvikmynd Hrúta sem hefur rakað inn verðlaunum á kvikmyndahátíðum víð um heim m.a. má nefna að Atli fékk Hörpuna, norrænu kvikmyndatónlistarverðlaunin, fyrir tónlist sína í Hrútum. http://www.atliorvarsson.com
Halldór Haraldsson á að baki langan feril sem píanóleikari, kennari og skólastjóri. Hann brautskráðist frá Tónlistarskólanum í Reykjavík 1960 og frá Royal Academy of Music í London 1965. Hann hélt sína fyrstu opinberu tónleika á vegum Tónlistarfélagsins í Reykjavík 1965 og hefur síðan haldið fjölmarga einleikstónleika hérlendis og erlendis. Þá hefur hann haldið fjölda tónleika með öðrum tónlistarmönnum í kammertónlist.
Þuríður Jónsdóttir, tónskáld, nam þverflautuleik og tónsmíðar við Tónlistarskólann í Reykjavík og síðar við Konservatoríið í Bologna á Ítalíu þar sem hún lauk diplómagráðu í flautuleik, tónsmíðum og raftónlist. Einnig hefur hún sótt námskeið hjá Franco Donatoni hjá Accademia Chigiana í Siena á Ítalíu og hjá Alessandro Solbiati hjá Accademia di Novara á Ítalíu.
