Tónlist

Málstofa BA nema tónsmíðum, Skipholti 31, 10. nóvember.  kl. 12:45-14:40 – Errata og loadbang frá New York

loadbang er nútímatónlisthópur frá New York sem samanstendur af trompet, básúnu, bassaklarinetti og barrítónrödd en hópurinn var stofnaður árið 2008 og hefur fengið frábæra gagnrýni miðla á borð við The New York Times, Baltimore Sun og Time Out í New York. Hópurinn hefur verið iðinn við að frumflytja ný verk sérstaklega saminn fyrir hann en í kringum 200 verk hafa fæðst fyrir tilstilli hópsins.

Framlag Listaháskóla Íslands á Iceland Airwaves verður fjölbreyttur hópur tónlistarfólks í meistaranámsbrautum innan skólans ásamt fleirum.

Flutt verður efni eftir nemendur í tónsmíðum, þekkt tónverk frá ýmsum heimshornum í nýjum búningi, tónlistarnámskeið með ungu fólki og íslensk sönglög og ljóð undir frumsamdri tónlist nemenda. Frítt er inn á alla atburði sem verða haldnir í Skipholti 31. 

Gestur föstudagsfyrirlestraraðar tónlistardeildar að þessu sinni er Arna Kristín Einarsdóttir.

Hibiki Ichikawa sem leikur á Tsugaru Shamisen og Akari Moshizuki þjóðlagasöngkona eru með opna vinnustofu föstudaginn 13. október þar sem þau kynna japanska sönghefð og hið framandi strengjahljóðfæri Tsugaru Shamisen. 
Vinnustofan fer fram í Skipholti 31 stofu 633. 

Ekki missa af þessum áhugaverða og einstaka viðburði. 

Allir velkomnir!

Miðannarspjall - Atli Ingólfsson heldur fyrirlestur í stofu 633 í Skipholti 31 á föstudaginn kl. 12:45.

Föstudagsfyrirlestrarröð tónlistardeildar:

Gunnar Karel og Þórunn Gréta Sigurðardóttir munu segja frá tónlistarhátíðinni Myrkum músíkdögum sem næst verða haldnir dagana 25.-27. janúar 2018 í Reykjavík. Myrkir músíkdagar er ein af elstu starfandi tónlistarhátíðum landsins og hefur frá stofnun hennar árið 1980 gegnt mikilvægu hlutverki sem vettvangur framsækinnar samtímatónlistar á Íslandi.

Hróðmar I. Sigurbjörnsson, tónskáld, mun flytja fyrirlestur í málstofu tónsmíðanema föstudaginn 15. september kl. 12:45 -14:40. Fyrirlesturinn verður haldinn í stofu 633 í nýju húsnæði tónlistardeildar Listaháskólans í Skipholti 31. Sérstakir gestir málstofunnar verða meðlimir Quartetto a mouversi sem munu flytja brot úr verkum Hróðmars.