Tónlist

Sunnudaginn 6. maí klukkan 16 verður sett upp í Gaflaraleikhúsinu í Hafnarfirði ævintýraóperan Sónata eftir Hjálmar H. Ragnarsson og Messíönu Tómasdóttur en að sýningunni stendur sviðslistahópurinn Magga, Dísa og Sigga sem hefur á að skipa núverandi og fyrrverandi nemendum tónlistardeildar Listaháskóla Íslands.

Markmiðið er að tónlist, saga og tölvuheimur fléttist saman í heildstæða frásögn í uppfærslunni en sýningin tekur um 50 mínútur og börn sérstaklega velkomin.

Listrænir aðstandendur sýningarinnar:

Sunnudaginn 29. apríl klukkan 17 fara fram tónleikar í Norðurljósum Hörpu klukkan 17. Fram kemur sönghópurinn Voces Thules ásamt nemendum sem sótt hafa miðaldatónlistarnámskeið sem Voces Thules hefur haft umsjón með við tónlistardeild LHÍ. Að auki koma fram félagar úr Camerata-hópi Listaháskólans.

Tónleikadagskrá í Hallgrímskirkju laugardaginn 28. apríl klukkan 14. Á efnisskrá er tónlist eftir Jórunni Viðar, Jón Ásgeirsson, Atla Heimi Sveinsson og Þorkel Sigurbjörnsson en öll eiga þau stórafmæli á árinu. 

Tónleikarnir eru samstarfsverkefni tónlistardeildar LHÍ og Listvinafélags Hallgrímskirkju. 

Fram koma tónlistarnemendur við tónlistardeild LHÍ. Aðgangur ókeypis og allir hjartanlega velkomnir.
Efnisskrá:

Þriðjudaginn 1. maí verður opnuð sýningin „ómur, ymur, din, dyn, geimur“ í Gallerí RÝMD við Völvufell 13 - 21 í Efra-Breiðholti. Sýningin verður opin frá 18 - 21.
Allir velkomnir - aðgangur ókeypis.

„ómur, ymur, din, dyn, geimur“ er hópsýning þar sem flutt verða ný verk sem byggja á hljóði sem efniviði eða hljóði sem myndgerist í gegnum tví- og þrívíð verk, gjörninga og uppákomur.

Listamenn sem verk eiga á sýningunni:

Tónleikaröðin COWs samanstendur af þrennum tónleikum sem fara fram á vormisseri 2018 í Mengi. Á tónleikunum er flutt tilraunakennd tónlist af ýmsum toga eftir tónskáld hvaðanæva að. Á þriðju og síðustu tónleikum annarinnar er bandaríska tónskáldið Carolyn Chen í forgrunni en einnig hljóma verk eftir Birgit Djupedal og Einar Torfa Einarsson.

Rannsóknarstofa í tónlist (RíT), í samstarfi við tónleikaröðina Hljóðön, býður breska tónskáldið Bryn Harrison velkomið föstudaginn 20. apríl.

Bryn heldur fyrirlestur um eigin verk með áherslu á tíma, minni og endurtekningu. Fjallað verður um verkin Vessels (2012), Receiving the Approaching Memory (2014) og Piano Quintet (2017). Bryn mun kynna nálgun sína á hringlaga formgerðum og hvernig hann hefur stuðst við þær í þanlöngum verkum.

Tónlistardeild, stofa 633, föstudaginn 20. apríl kl. 14:00. Allir velkomnir og aðgangur ókeypis. 

Píanóleikarinn Mathias Halvorsen fjallar um eigin tónlistarsköpun í hádegisfyrirlestri við tónlistardeild LHÍ, föstudaginn 20. apríl klukkan 12:45 til 13:45. Þar mun hann beina sjónum að tveimur verkefnum sem hann vinnur að um þessar mundir en í báðum þeirra er unnið með hljómborðstónlist Jóhanns Sebastíans Bachs á nýstárlegan og áhugaverðan hátt.

Styrktartónleikar á Húrra, föstudagskvöldið 27. apríl fyrir verkefnið Stelpur rokka.  Viðburðurinn er skipulagður af  nemendum við Listaháskóla Íslands og Erik DeLuca í samvinnu við Húrra og tónlistardeild Listaháskóla Íslands. Hefst klukkan 18 og lýkur um klukkan 01, aðfararnótt 28. apríl.

Fram koma: