Tónlist

Gleym-mér-ei, hádegistónleikaröð söngbrautar LHÍ, hefur göngu sína á ný miðvikudaginn 30. janúar 2019. Tónleikaröðin, sem fer fram á Kjarvalsstöðum, er haldin í samstarfi við Listasafn Reykjavíkur.

Ást, náttúra, feminismi og kynusli eru á meðal stefja á tónleikunum en hver konsert fléttast í kringum ákveðið þema. Á fyrstu tónleikunum, 30. janúar, verður tónlist Wolfgangs Amadeusar Mozarts í öndvegi í tilefni nýliðins afmælis tónskáldsins sem var fætt 27. janúar 1756 í Salzburg. 

Allir tónleikarnir hefjast klukkan 12:15 á miðvikudögum. Aðgangur ókeypis og öll velkomin.

Tónskáldin Ingibjörg Ýr Skarphéðinsdóttir og Lilja María Ásmundsdóttir fjalla um og spila tónlist sína í málstofu tónsmíðanema, föstudaginn 25. janúar 2019. Með þeim kemur fram Ingibjörg Fríða Helgadóttir, söngkona. 

Málstofan fer fram frá 12:45 - 14:30 í S304 - Fræðastofu 1, Skipholti 31.  Öll velkomin.
 

Helgina 2. - 3. febrúar næstkomandi mun franski píanóleikarinn Vladimir Stoupel halda tvær vinnusmiðjur (masterklassa) fyrir nemendur Menntaskóla í tónlist og LHÍ. Vinnusmiðjurnar fara fram milli 11 - 15 báða daga,  laugardaginn 2. febrúar í Skipholti 33 og sunnudaginn 3. febrúar í Skipholti 31 (LHÍ).

Fimmtudaginn 31. janúar, milli 13 og 15, munu tónskáldið Marko Ciciliani og fiðluleikarinn Barbara Lüneburg, fjalla um og segja frá rannsóknum sínum á sviði lista í Fræðastofu 1, S304, Skipholti 31.

Tilraunatónlist í Norræna húsinu 

Verpa eggjum er samstarfsverkefni milli Norræna hússins, Mengi og Listaháskóla Íslands. Tónleikarnir fara fram fimmtudagskvöldið 10. janúar kl. 20. Ókeypis aðgangur.

raust//kliður/rómur