Class: 
color2

RíT-málstofa: Bragur og rödd

Rannsóknastofa í tónlist (RíT) við Listaháskóla Íslands efnir til málstofu um samband tónlistar og tungumáls. Samband texta og tónlistar á sér langa sögu og hafa þessi fyrirbæri ávallt eflt og mótað hvort annað í gegnum aldirnar. En hvar liggur tónlist textans, er hegðun ljóðsins eða tungumálsins ávallt tónlistarlegs eðlis, hvernig mótast merking raddarinnar í gegnum hryn og hendingar? Velt verður upp spurningum af þessu tagi í fjórum stuttum erindum sem varpa ljósi úr ólíkum áttum á samband bragarins og raddarinnar.

Allir áhugasamir velkomnir.

Opið hús í Listaháskólanum

Nemendur Listaháskólans bjóða heim

Kæru vinir, nemendur Listaháskólans bjóða ykkur heim föstudaginn 8. nóvember milli kl. 13 - 16.
 
- opnir tímar
- möppur til sýnis
- leiðsagnir um húsin
- nemendur verða á staðnum og svara spurningum
- opnar listasmiðjur/vinnustofur
 
Við opnum fyrir umsóknir þennan sama dag!
 
Verið öll hjartanlega velkomin

Masterclassar með ítalska píanistanum Pina Napolitano

Ítalski píanistinn Pina Napolitano mun halda tvo masterclassa dagana 22. og 23.október. 
Napolitano er fædd og uppalin í Caserta á Ítalíu. Hún hóf nám í píanóleik aðeins 4 ára gömul hjá Guisi Ambrifi. 
Hún hefur hlotið mastersgráðu í píanóleik frá The Music Academy of Pescara með sérstaka áherslu á tónlist 20.aldarinnar og hefur nú kennt í virtum tónlistarháskólum á Ítalíu.

 

Masterclassarnir fara fram í húsnæði  tónlistardeildar Listaháskóla Íslands, Skipholti 31 í  flyglasalnum á 3. hæð.