Helgina 2. - 3. febrúar næstkomandi mun franski píanóleikarinn Vladimir Stoupel halda tvær vinnusmiðjur (masterklassa) fyrir nemendur Menntaskóla í tónlist og LHÍ. Vinnusmiðjurnar fara fram milli 11 - 15 báða daga, laugardaginn 2. febrúar í Skipholti 33 og sunnudaginn 3. febrúar í Skipholti 31 (LHÍ).
Að auki mun Stoupel halda einleikstónleika í sal Menntaskóla í tónlist, Skipholti 33, föstudagskvöldið 1. febrúar kl. 19:30. Efnisskráin samanstendur af tónlist eftir Franz Schubert, Mikhaïl Glinka, Frédéric Chopin og Maurice Ravel.
Ókeypis er á alla viðburðina og öll hjartanlega velkomin.
Píanótónleikar í sal Menntaskóla í tónlist
Franz Schubert (1797-1828)
Sónata í e-moll, D 566 (1817)
Mikhail Glinka (1804-1857)
Variations brillantes, við stef eftir Donizetti (1831)
Rondo brillante í B-dúr, við stef eftir Bellini (1831)
Frédéric Chopin (1810-1849)
Pólónesa í gís-moll
Pólónesa í As-dúr, op. 53
Maurice Ravel (1875-1937)
La Valse (1919)
Píanómasterklass í sal Menntaskóla í tónlist fyrir nemendur Mít
Píanómasterklass í Flyglasal LHÍ, Skipholti 31 fyrir nemendur LHÍ
Vladmir Stoupel hefur átt afar farsælan einleikaraferil um áratugaskeið og hefur að auki á undanförnum árum átt vaxandi velgengni að fagna sem hljómsveitarstjóri. Stoupel hefur lagt sig eftir því að flytja tónlist sem er oft utan alfaraleiðar; má þar nefna plötur með öllum píanóeinleiksverkum Schoenberg og Scriabin og útgáfu á píanóverkum eftir George Antheil, Conlon Nancarrow og Alexander Mossolov. Á meðal samstarfsfólks hans má nefna fiðluleikarana Judith Ingolfsson og Mark Peskanov, sellóleikarann Peter Bruns, Róbert Schumann strengjakvartettinn og söngvarana Wolfgang Brendel, Elenu Zaremba og Evgeny Nesterenko.