Útskriftartónleikar - Símon Karl Sigurðarson Melsteð

Símon Karl Sigurðarson Melsteð byrjaði 9 ára gamall að læra á klarínettu hjá Skólahljómsveit Austurbæjar. Hann hélt námi sínu áfram í Tónlistarskóla Stykkishólms, en byrjaði 15 ára að læra hjá Guðna Franzsyni og færði sig stuttu seinna yfir í FÍH og lauk þaðan framhaldsprófi í klassískum klarínettuleik undir hans leiðsögn. Í FÍH lagði hann einnig stund á snarstefjun, tónsmíðar og jazzútsetningar ásamt því að sækja einkatíma hjá Sigurði Flosasyni og Hilmari Jenssyni. Úr FÍH lá leið hans í Tónlistarskólann í Reykjavík þar sem hann lauk burtfararprófi undir leiðsögn Freyju Gunnlaugsdóttur. 

 

Við Listaháskóla Íslands hefur Einar Jóhannesson verið hans aðal kennari. Skólaárið 2020-2021 var hann í skiptinámi við Robert Schumann Hochschule für Musik í Düsseldorf, Þýskalandi undir leiðsögn Próf. Andreas Langenbuch.

Hann hefur tekið þátt í fjölmörgum námskeiðum bæði á Íslandi og erlendis, til dæmis hjá Barnaby Robson í LHÍ 2015, Luigi Magistrelli í LHÍ 2017 og hjá Ralph Manno í Konturen, Brühl 2019. Einnig hefur hann spilað með Elju kammersveit, Caput, Ungsveit Sinfóníuhljómsveitar Íslands og Sinfóníuhljómsveit unga fólksins.

 

André Messager (1853-1929)

Kaija Saariaho (1952)

Igor Stravinsky (1882-1971)

Carl Maria von Weber (1786-1826)

 

Símon Karl Sigurðarson Melsteð – Klarínetta

Aladár Rácz – Píanó

Erna Vala Arnardóttir – Píanó

Pétur Björnsson - Fiðla