Training Artists Without Borders // Uppskeruhátíð og kynning

Uppskeruhátíð verkefnisins Training Artists Without Borders 2016 - 2018.

Training Artists Without Borders er samstarfsverkefni nokkurra evrópskra menningarstofnana og listaháskóla en þau eru:

• Listaháskóli Íslands
• Íslenska óperan
• Guildhall School of Music & Drama 
• Listaháskólinn í Stokkhólmi 
• Tónlistar- og leiklistarháskólinn í Vínarborg
• Konunglega konservatorían í Haag
• Pins Claus Conservatorium
• Academie Minerva í Groningen
• Yong Siew Toh Tónlistarkonservatorían í Singapore
• Samtök evrópskra tónlistarkonservatoría og tónlistarsháskóla

Í málstofu sem haldin verður í tónlistardeild LHÍ, Skipholti 31, föstudaginn 30. nóvember milli 15 og 17 verður afraksturinn af þessu tilraunaverkefni kynntur. Öll hjartanlega velkomin.

Nánar:

Sífellt fleiri listamenn vinna þvert á listgreinar og þverfaglegar áherslur í listnámi verða að sama skapi æ mikilvægari. Á sama tíma hefur stafrænt umhverfi og ný þekking getið af sér nýjar leiðir til miðlunar og listnáms.

Undanfarin tvö ár (frá september 2016 - september 2018) hafa listamenn frá öllum heimshornum hist með reglulegu millibili með það að markmiði að þróa leiðir og þekkingu til að byggja upp listnám sem tekst á við þennan breytta veruleika. Innan verkefnisins Training Artists Without Borders (Listnám án landamæra) tókust þrír hópar á við þrjú ólík en þó náskyld viðfangsefni; þverfaglega samvinnu í listnámi, leiðsagnarnám (mentoring), og nám í stafrænu umhverfi.

Rannsóknarleiðangurinn, sem átti sér meðal annars stað í Groningen í Hollandi), Visby í Gotlandi, Hafnarfirði og Zeerjip í Hollandi, gat af sér ótal innblásandi tilraunir, knýjandi spurningar og (nokkur) svör sem tekist verður á við í málstofu í Skipholti 31. 

Þátttakendur í málstofu:

• Alexander Roberts, fagstjóri meistaranáms við sviðslistadeild LHÍ
• Berglind María Tómasdóttir, dósent við tónlistardeild LHÍ
• Fríða Björk Ingvarsdóttir, rektor Listaháskóla Íslands
• Sigurður Halldórsson, prófessor og fagstjóri NAIP (New Audience, Innovative Practice) við LHÍ.
• Tryggvi M. Baldvinsson, deildarforseti tónlistardeildar LHÍ
• Þorgerður Edda Hall, verkefnastjóri alþjóðasviðs LHÍ
• Þóra Einarsdóttir, prófessor og fagstjóri söngbrautar tónlistardeildar LHÍ
• Nemendur úr NAIP (New Audiences and Innovative Practice) við tónlistardeild og úr sviðslistadeild LHÍ. 
• Málstofustjóri: Elísabet Indra Ragnarsdóttir

Verkefnið er styrkt af Erasmus+ áætluninni

Öll hjartanlega velkomin.